ന്യൂഡല്ഹി: ഡല്ഹിയില് മൂന്ന് ദിവസമായി തുടരുന്ന അക്രമത്തിെന്റ പശ്ചാത്തലത്തില് കേന്ദ്ര സര്ക്കാറിനും കേന്ദ്ര ആഭ്യന്തര മന്ത്രാലയത്തിനുമെതിരെ ആഞ്ഞടിച്ച് ശിവസേന. യുഎസ് പ്രസിഡന്റ് ഡോണള്ഡ് ട്രംപ് തലസ്ഥാനം സന്ദര്ശിക്കുന്നതിനിടെ ഡല്ഹിയില് കലാപം തുടരുകയാണെന്ന് ശിവസേന മുഖപത്രമായ സാമ്നയുടെ മുഖപ്രസംഗത്തില് പറഞ്ഞു.
ഡല്ഹിയിലുണ്ടായ സംഘര്ഷത്തില് ഇതുവരെ 20 പേര്ക്ക് ജീവന് നഷ്ടമായി. കടകള്ക്കും വീടുകള്ക്കും പ്രദേശവാസികളുടെ സ്വത്തുക്കള്ക്കും വന് നാശനഷ്ടമാണുണ്ടായത്. ”പ്രധാനമന്ത്രി നരേന്ദ്ര മോദിയും യു.എസ് പ്രസിഡന്റ് ഡോണള്ഡ് ട്രംപും ചര്ച്ച നടത്തുമ്ബോള് ഡല്ഹി കത്തിക്കൊണ്ടിരിക്കുകയാണ്. കാരണം എന്തുതന്നെയായാലും തലസ്ഥാനത്ത് ക്രമസമാധാനം പരിപാലിക്കുന്നതില് കേന്ദ്രസര്ക്കാര് പരാജയപ്പെട്ടു.’ -ശിവസേന കുറ്റപ്പെടുത്തി.
1984ലെ സിഖ് വിരുദ്ധ കലാപത്തില് ബി.ജെ.പി ഇപ്പോഴും കോണ്ഗ്രസിനെ കുറ്റപ്പെടുത്തുന്നുണ്ട്. ഇന്ദിരാഗാന്ധിയുടെ വധത്തെ തുടര്ന്ന് ഡല്ഹിയില് നൂറുകണക്കിന് സിഖ് സഹോദരന്മാര് കൊല്ലപ്പെട്ടു. സമാനമായ അക്രമങ്ങളാണ് ഡല്ഹിയില് ഇപ്പോള് നടക്കുന്നത്. ആളുകള് വാളുകളും റിവോള്വറുമായി തെരുവിലിറങ്ങിയിരിക്കുകയാണ്. ഡല്ഹിയിലെ രംഗങ്ങള് ഭയപ്പെടുത്തുന്നതാണ്. ആരാണ് ഇതിന് ഉത്തരവാദികള്? ട്രംപ് തലസ്ഥാനത്ത് ആയിരുന്നപ്പോള് ഡല്ഹിയിലെ സ്ഥിതി ഇതായിരുന്നു, അത് നമുക്ക് നല്ലതല്ല, ‘സാമ്ന മുഖപ്രസംഗത്തില് പറഞ്ഞു.
25 ആലിംഗനങ്ങള്ക്ക് 22000 കോടി രൂപ ചെലവ്
യു.എസില് നിന്ന് 22,000 കോടി രൂപയുടെ പ്രതിരോധ ഉപകരണങ്ങള് വാങ്ങുന്ന ഇന്തോ-യു.എസ് പ്രതിരോധ കരാറിനേയും ശിവസേന മുഖപ്രസംഗത്തില് വിമര്ശിച്ചു.
”ട്രംപ് തെന്റ പ്രസംഗത്തില് പാകിസ്താനോട് ഭീകരവാദം അവസാനിപ്പിക്കാന് മുന്നറിയിപ്പ് നല്കി. പാകിസ്താനോട് ഏറ്റുമുട്ടാന് ട്രംപ് നശീകരണ മിസൈല് ഇന്ത്യക്ക് നല്കി. ആത്യന്തികമായി ഇത് ഒരു കച്ചവടമാണ്. അതിന് നമ്മള് ശതകോടിക്കണക്കിന് ഡോളറുകള് നല്കേണ്ടതുണ്ട്. ട്രംപ് മോദിയെ 25 തവണയെങ്കിലും പുകഴ്ത്തുകയും ഇരുവരും പരസ്പരം ആലിംഗനം ചെയ്യുകയും ചെയ്തിട്ടുണ്ട്. 25 ആലിംഗനങ്ങള്ക്ക് 22,000 കോടി രൂപയാണ് ചെലവ്.” ശിവസേന പരിഹസിച്ചു.
എല്ലാ ഉപകരണങ്ങളും അധികാരവും ഉണ്ടായിട്ടും എന്തുകൊണ്ട് ഡല്ഹിയിലെ കലാപം നിര്ത്തലാക്കാന് സാധിക്കുന്നില്ലെന്നതാണ് വലിയ ചോദ്യം. ആര്ട്ടിക്കിള് 370ഉം 35എ യും റദ്ദാക്കാന് കാണിച്ച ധൈര്യം ഡല്ഹി കലാപം നിര്ത്താനും കാണിക്കേണ്ടതുണ്ടെന്നും ശിവസേന മുഖപ്രസംഗത്തില് പറയുന്നു.
