പാലക്കാട്: കേന്ദ്ര സര്ക്കാരിന്റെ പൗരത്വ നിയമ ഭേദഗതിക്കെതിരെ സമരം നടത്തുന്നവര്ക്കെതിരെ വര്ഗ്ഗീയ വിദ്വേഷം പരത്തുന്ന തരത്തില് ഫേസ്ബുക്കില് വീഡിയോ ഇട്ട യുവാവിനെ പോലീസ് അറസ്റ്റ് ചെയ്തു. അട്ടപ്പാടി സ്വദേശി ശ്രീജിത് രവീന്ദ്രനാണ് അഗളി പോലീസിന്റെ പിടിയിലായത് . ഡിവൈഎഫ്ഐ നല്കിയ പരാതിയെ തുടര്ന്നാണ് അറസ്റ്റ് . പ്രതിക്കെതിരെ മതസ്പര്ദ്ധ വളര്ത്താന് ശ്രമിച്ചുവെന്ന കുറ്റത്തിനാണ് കേസെടുത്തിട്ടുള്ളതെന്ന് പോലീസ് പറഞ്ഞു .
പൗരത്വ ഭേദഗതി നിയമവുമായി ബന്ധപ്പെട്ട് സമൂഹമാധ്യമങ്ങളിലൂടെ മതസ്പര്ദ്ധയും വിദ്വേഷവും വളര്ത്തുന്ന തരത്തിലുള്ള സന്ദേശങ്ങള് പോസ്റ്റ് ചെയ്യുന്നവര്ക്കെതിരെ കര്ശന നിയമ നടപടി സ്വീകരിക്കുമെന്ന് കേരള പൊലീസ് നേരത്തെ മുന്നറിയിപ്പ് നല്കിയിരുന്നു. ഇത്തരത്തിലുള്ള സന്ദേശങ്ങള് ഷെയര് ചെയ്യുന്നവര്ക്കെതിരെയും നടപടി എടുക്കുമെന്നും പൊലീസ് അറിയിച്ചിരുന്നു.
