കൊച്ചി: നടി ഷംന കാസിമിനെ ഭീഷണിപ്പെടുത്തിയ കേസില് മുഖ്യപ്രതി പിടിയില്. പാലക്കാട് സ്വദേശി ഷെരീഫാണ് പിടിയിലായത്. പ്രതിയെ പാലക്കാട് നിന്ന് പുലര്ച്ചെയാണ് സംഘം അറസ്റ്റ് ചെയ്തത്. ഇയാളെ എറണാകുളം പൊലീസ് ചോദ്യം ചെയ്ത് വരികയാണ്. അന്വര് അലി എന്ന പേരില് ഷംനയോട് സംസാരിച്ചത് ഷെരീഫാണ് എന്നാണ് കരുതുന്നത്. എന്നാല് ഇക്കാര്യം വ്യക്തമല്ല. വരനായി വന്ന് തന്നോട് സംസാരിച്ചത് ആരെന്ന് അറിയില്ലെന്ന് ഷംന പറയുന്നു.
