പത്തനംതിട്ട: ശബരിമലയില് പത്തനംതിട്ട ജില്ലാ കളക്ടര് പ്രഖ്യാപിച്ച നിരോധനാജ്ഞ ഇന്ന് അവസാനിക്കും. സംഘര്ഷ സാധ്യത നിലനില്ക്കുന്ന പശ്ചാത്തലത്തില് നിരോധനാജ്ഞ ദീര്ഘിപ്പിക്കണമെന്ന് പൊലീസ് ആവശ്യപ്പെട്ടിട്ടുണ്ട്.
ശനിയാഴ്ച രാത്രി സന്നിധാനത്ത് നിരോധനാജ്ഞ ലംഘിച്ച് സംഘം ചേര്ന്നവരെ അറസ്റ്റ് ചെയ്ത പശ്ചാത്തലത്തില് നിരോധനാജ്ഞ ദീര്ഘിപ്പിച്ചേക്കുമെന്നാണ് സൂചന. സംഭവവുമായി ബന്ധപ്പെട്ട് എ ഡി എമ്മില് നിന്നും കളക്ടര് റിപ്പോര്ട്ട് തേടിയിട്ടുണ്ട്.
തുലാമാസ പൂജയ്ക്ക് ശേഷം ഇത് നാലാം വട്ടമാണ് ഇലവുങ്കല്, നിലയ്ക്കല്, പമ്പ, സന്നിധാനം എന്നീ മേഖലകളില് നിരോധനാജ്ഞ പ്രഖ്യാപിക്കുന്നത്.
