ചെന്നൈ: പ്രധാനമന്ത്രി നരേന്ദ്ര മോദിയുടെ 72-ാം ജന്മദിനാഘോഷത്തിന്റെ ഭാഗമായി തമിഴ്നാട് ബിജെപി നവജാതശിശുക്കള്ക്ക് സ്വര്ണമോതിരം വിതരണം ചെയ്യുന്നു.മോദിയുടെ ജന്മദിനമായ സെപ്റ്റംബര് 17-ന് ചെന്നൈ ആര്എസ്ആര്എം ആശുപത്രിയില് ജനിക്കുന്ന കുട്ടികള്ക്കാണ് രണ്ട് ഗ്രാം തൂക്കമുള്ള മോതിരം നല്കുന്നത്. ഏകദേശം 15-ഓളം ശിശുക്കള്ക്ക് സമ്മാനം നല്കേണ്ടി വരുമെന്നാണ് സംഘാടകര് കണക്കുകൂട്ടുന്നത്.
ആഘോഷങ്ങളുടെ ഭാഗമായി അന്നേദിവസം തമിഴ്നാട് മുഖ്യമന്ത്രി എം.കെ. സ്റ്റാലിന്റെ മണ്ഡലത്തില് 720 കിലോഗ്രാം മത്സ്യം വിതരണം ചെയ്യുമെന്നും പാര്ട്ടി അറിയിച്ചു. പ്രധാനമന്ത്രി മത്സ്യ സന്പാദ യോജനയുടെ ചുവടുപിടിച്ചാണിത്.
പ്രധാനമന്ത്രിയുടെ ജന്മദിനത്തില് സേവ പഖ്വാഡ എന്ന പേരില് രാജ്യമെങ്ങും വിപുലമായ രീതിയില് ആഘോഷങ്ങള് സംഘടിപ്പിക്കാനാണ് ബിജെപി ഒരുങ്ങുന്നത്.