തിരുവനന്തപുരം: കഞ്ചാവു കേസില് പിടിയിലായ അന്യസംസ്ഥാന തൊഴിലാളി പോലീസ് കസ്റ്റഡിയില് നിന്ന് രക്ഷപ്പെട്ടു.
കൃഷ്ണചന്ദ്ര സ്വയിന് ആണ് കഴക്കൂട്ടം പോലീസ് സ്റ്റേഷനില് നിന്നും രാത്രി ഒരുമണിയോടെ ഓടി രക്ഷപ്പെട്ടത്. ഇയാള് ഒഡീഷ സ്വദേശിയാണ്.
കഴിഞ്ഞ ദിവസമാണ് ഇയാളെ ചിറ്റാറ്റുമുക്ക് ഭാഗത്ത് നിന്ന് കഞ്ചാവുമായി പോലീസ് പിടികൂടിയത്. മാത്രമല്ല ഒരു കിലോയോളം കഞ്ചാവും ഇയാളില് നിന്ന് കണ്ടെത്തിയിരുന്നു. ഇന്ന് കോടതിയില് ഹാജരാക്കാനിരിക്കെയാണ് ഓടി രക്ഷപെട്ടത്. ഇന്നലെ രാത്രി ഭക്ഷണം കഴിക്കാനായി ഒരു കൈയിലെ വിലങ്ങഴിച്ചപ്പോള് പോലീസിനെ തള്ളി മാറ്റി ഇയാള് ഓടി രക്ഷപ്പെടുകയായിരുന്നു. പ്രതിയെ പിടികൂടാനുള്ള അന്വേഷണം പോലീസ് ആരംഭിച്ചു.
