തിരുവനന്തപുരം: നിയമസഭയിലെ ജീവനക്കാരനോട് ക്ഷുഭിതനായ പി.സി. ജോര്ജിന് സ്പീക്കര് പി. ശ്രീരാമകൃഷ്ണെന്റ താക്കീത്. താന് കൈമാറിയ കത്ത് സ്പീക്കര്ക്ക് കൈമാറിയില്ലെന്ന് ആരോപിച്ച് ജോര്ജ് എഴുന്നേറ്റ് ജീവനക്കാരന് നേരെ ആക്രോശിക്കുകയായിരുന്നു. ഉടന് എന്താണ് കാര്യമെന്ന് സ്പീക്കര് ചോദിച്ചു.
കത്ത് നല്കിയില്ലെന്ന് ജോര്ജ് പറഞ്ഞപ്പോള് അതൊക്കെ അവര് തന്നോളും, ഇങ്ങനെയാണോ സഭയില് പെരുമാറുന്നതെന്ന് ചോദിച്ച സ്പീക്കര് ജോര്ജിെന്റ നടപടി ശരിയല്ലെന്ന് പറഞ്ഞു. എന്തെങ്കിലും പരാതിയുണ്ടെങ്കില് എഴുതിത്തന്നാല് മതിയെന്ന് പറഞ്ഞിട്ടും ബഹളം തുടര്ന്ന ജോര്ജിനോട് ഇരിക്കവിടെ എന്ന ആജ്ഞയും സ്പീക്കര് നടത്തി.
ജീവനക്കാരോട് എന്തും വിളിച്ചു പറയരുത്. അവര് ഒരുപാട് ജോലികള് ഒരുമിച്ചാണ് ചെയ്യുന്നത്. ചിലപ്പോള് താങ്കള് നല്കിയ കത്ത് എനിക്ക് തരാന് വൈകിയിട്ടുണ്ടാകും. കത്ത് മാത്രമല്ല, ഇവിടെ സ്പീക്കറുമായി അംഗങ്ങള്ക്ക് സംസാരിക്കുന്നതിന് ചാറ്റ് സംവിധാനമുണ്ട്, അതുപയോഗിക്കാമെന്നും സ്പീക്കര് പറഞ്ഞു.
ജോര്ജിെന്റ മോശം പെരുമാറ്റത്തെ ചോദ്യം ചെയ്ത് ഭരണപക്ഷത്ത് നിന്ന് എ.എന്. ഷംസീറും പ്രതിപക്ഷത്ത് നിന്ന് ഷാഫി പറമ്ബിലും എഴുന്നേറ്റു. ഇവരുമായും ജോര്ജ് വാക്തര്ക്കത്തിലേര്പ്പെട്ടു.