ഛണ്ഡിഗഢ്: കോവിഡ് 19 വൈറസ് ബാധയെ പ്രതിരോധിക്കുന്നതിനായി പൊതുഗതാഗത സംവിധാനം നിര്‍ത്താനൊരുങ്ങി പഞ്ചാബ് സര്‍ക്കാര്‍. ബസ്, ഒാേട്ടാറിക്ഷ, ടെേമ്ബാ എന്നിവക്ക് നിരോധനം ഏര്‍പ്പെടുത്താനാണ് തീരുമാനം. ഇന്ന് അര്‍ധരാത്രിമുതല്‍ തീരുമാനം നിലവില്‍ വരും.
വ്യാഴാഴ്ച ചേര്‍ന്ന മന്ത്രിസഭാ യോഗത്തിലാണ് പൊതുഗതാഗതം നിര്‍ത്താന്‍ പഞ്ചാബ് സര്‍ക്കാര്‍ തീരുമാനിച്ചത്. 20 പേരില്‍ കൂടുതല്‍ ആളുകള്‍ കൂട്ടം കൂടുന്നതിനും വിലക്കുണ്ട്. പഞ്ചാബിലെ വിദ്യാലയങ്ങളിലെ പരീക്ഷകളും മാറ്റിവെച്ചിട്ടുണ്ട്. മുംബൈയില്‍ എ.സി ലോക്കല്‍ ട്രെയിനുകളുടെ സര്‍വീസും നിര്‍ത്തിവെച്ചിട്ടുണ്ട്.
ഇന്ത്യയില്‍ ഇതുവരെ 169 പേര്‍ക്ക് കോവിഡ് 19 വൈറസ് ബാധ സ്ഥിരീകരിച്ചിട്ടുണ്ട്. പഞ്ചാബില്‍ രണ്ട് പേര്‍ക്കാണ് വൈറസ് ബാധയേറ്റത്.
