അബൂദബി: നാഷനല് ഓയില് കമ്ബനി (അഡ്നോക്) ഓഫ്ഷോര് ഫീല്ഡുകളിലെ എണ്ണ വാതക ഉല്പാദനസാധ്യത ഉയര്ത്തുന്നതിെന്റ ഭാഗമായി ലോവര് സാക്കൂം, ഉമ്മുഷെയ്ഫ്, നാസര് എന്നീ ഫീല്ഡുകളുടെ ഓഹരി ആനുകൂല്യങ്ങള് ചൈന നാഷനല് പെട്രോളിയം കോര്പറേഷനില് (സി.എന്.പി.സി) നിന്ന് ഓഫ്ഷോര് അനുബന്ധ കമ്ബനിയായ ചൈന നാഷനല് ഓഫ്ഷോര് ഓയില് കോര്പറേഷന് (സി.എന്.ഒ.ഒ.സി) കൈമാറാന് തീരുമാനിച്ചു.
അഡ്നോക്കിെന്റ സുപ്രധാന ഓഫ്ഷോര് ഓയില് ഫീല്ഡുകളുടെ പങ്കാളിത്ത കൈമാറ്റത്തിന് അബൂദബി സുപ്രീം പെട്രോളിയം കൗണ്സില് അംഗീകാരം നല്കി. അപ്സ്ട്രീം, ഡൗണ്സ്ട്രീം മേഖലകളിലെ ദ്രവീകൃത പ്രകൃതിവാതക (ലിക്വിഡ് നൈട്രജന് ഗ്യാസ്) സഹകരണത്തിനുള്ള പുതിയ അവസരങ്ങള് കണ്ടെത്തുന്നതിന് കഴിഞ്ഞ വര്ഷം ജൂലൈയില് അഡോനോക്കും െചെന നാഷനല് ഓഫ്ഷോര് ഓയില് കോര്പറേഷനും തമ്മില് സമഗ്രമായ കരാര് ഒപ്പിട്ടതിനെ തുടര്ന്നാണ് ഈ പങ്കാളിത്തം. ഓഫ്ഷോര് എണ്ണോല്പാദന മേഖലയില് വിപുലമായ വൈദഗ്ധ്യം പ്രയോജനപ്പെടുത്താനും കഴിയും.
ചൈനീസ് ഓഫ്ഷോര് ഓയില് ആന്ഡ് ഗ്യാസ് കമ്ബനിക്കു കീഴില് അഡ്നോക്കിെന്റ ഓയില് പ്ലാറ്റ്ഫോമുകളുടെ പ്രവര്ത്തന പങ്കാളിത്തം കൈമാറുന്നത് ആദ്യമാണ്. ചൈനീസ് കമ്ബനിക്ക് എണ്ണോല്പാദന പ്രവര്ത്തനാവകാശങ്ങള് കൈമാറുന്നത് യു.എ.ഇയും ലോകത്തിലെ രണ്ടാമത്തെ വലിയ സമ്ബദ്വ്യവസ്ഥയായ ചൈനയും തമ്മിലുള്ള ശക്തവും തന്ത്രപരവുമായ ഉഭയകക്ഷിബന്ധത്തെ ഊട്ടിയുറപ്പിക്കുമെന്ന് പ്രതീക്ഷിക്കുന്നു. ചൈന നാഷനല് പെട്രോളിയം കോര്പറേഷനില്നിന്ന് ചൈന നാഷനല് ഓഫ്ഷോര് ഓയില് കോര്പറേഷന് ലിമിറ്റഡിന് ഓഫ്ഷോര് വിഹിതം കൈമാറുന്നത് യു.എ.ഇയും ചൈനയും തമ്മിലുള്ള ദീര്ഘകാലമായുള്ള തന്ത്രപരമായ സാമ്ബത്തിക ഉഭയകക്ഷിബന്ധത്തെ പ്രതിഫലിപ്പിക്കുന്നതായി യു.എ.ഇ വ്യവസായ-നൂതന സാങ്കേതിക വകുപ്പ് മന്ത്രിയും അഡ്നോക് ഗ്രൂപ് സി.ഇ.ഒയുമായ ഡോ. സുല്ത്താന് അഹ്മദ് അല് ജാബര് പറഞ്ഞു.
സമുദ്ര എണ്ണോല്പാദന മേഖലയില് സുസ്ഥിരവും വിശ്വസനീയവുമായ ബിസിനസ് അന്തരീക്ഷത്തിന് പിന്തുണയാകും. കടലിലെ എണ്ണോല്പാദന മേഖലകളായ ലോവര് സാക്കൂം, ഉമ്മുല് ഷൈഫ്, നാസര് കണ്സെഷന്സ് മറ്റ് അന്താരാഷ്ട്ര പങ്കാളികളുമായി ചേരുന്നതോടെ ലോകോത്തര വൈദഗ്ധ്യവും സാങ്കേതികവിദ്യയും ഈ ഫീല്ഡുകളില് കൊണ്ടുവരാനിടയാക്കും. ഈ കൈമാറ്റത്തില്നിന്ന് മൂല്യം വര്ധിപ്പിക്കുന്നത് തുടരാന് സഹായിക്കും.
ലോവര് സാക്കൂം കണ്സോര്ട്യത്തില് ഒ.എന്.ജി.സി (10 ശതമാനം), ഇന്പെക്സ് കോര്പറേഷന് (10 ശതമാനം), സി.എന്.പി.സി (ആറു ശതമാനം), എനി (10 ശതമാനം), ടോട്ടല് (20 ശതമാനം), സി.എന്.പി.സി (ആറ് ശതമാനം) എന്നിങ്ങനെയാണ് നിലവിലെ പങ്കാളിത്തം. ഉമ്മു ഷെയ്ഫ്, അല്നാസര് എന്നിവിടങ്ങളില് 60 ശതമാനം ഉടമസ്ഥാവകാശവും അഡ്നോക് നിലനിര്ത്തുന്നു. ചൈനയിലെ ഏറ്റവും വലിയ ഓഫ്ഷോര് ക്രൂഡ് ഓയില്, പ്രകൃതിവാതകം എന്നിവയുടെ ഉല്പാദനവും ലോകത്തിലെ ഏറ്റവും വലിയ സ്വതന്ത്ര എണ്ണ, വാതക പര്യവേക്ഷണ ഉല്പാദന കമ്ബനിയുമാണ് ചൈന നാഷനല് ഓഫ്ഷോര് ഓയില് കോര്പറേഷന്.
