കോഴിക്കോട്: നിപ വൈറസ് പനി ബാധിച്ച് ചികിത്സയിലായിരുന്ന ഒരാള് കൂടി മരിച്ചു. ചങ്ങരോത്ത് സ്വദേശി മൂസയാണ് മരിച്ചത്. മൂസയുടെ മക്കളായ സാബിത്തും സാലിഹും നേരത്തെ നിപ്പ ബാധിച്ച് മരിച്ചിരുന്നു. ഇതോടെ വൈറസ് പനി ബാധിച്ച് മരിച്ചവരുടെ എണ്ണം 11 ആയി.
സംസ്ഥാനത്തു 10 പേരുടെ മരണം നിപ വൈറസ് മൂലമാണെന്നു സ്ഥിരീകരിച്ചതായി സര്ക്കാര് അറിയിച്ചു. ഇതില് ഏഴുപേര് കോഴിക്കോടും , മൂന്നുപേര് മലപ്പുറം ജില്ലക്കാരുമാണ്. 17 പേര് നിരീക്ഷണത്തിലാണ്. ബുധനാഴ്ച 160 സാമ്പിളുകളാണ് മണിപ്പാല് വൈറസ് റിസര്ച്ച് സെന്ററിലേക്ക് പരിശോധനക്കയച്ചിരിക്കുന്നത്.
ബുധനാഴ്ച കോഴിക്കോട് മെഡിക്കല് കോളജ് ആശുപത്രിയില് നിന്ന് എട്ടുപേരെ രോഗമില്ലെന്ന് കണ്ട് വിട്ടയച്ചു. പുതുതായി ആര്ക്കും രോഗം സ്ഥിരീകരിച്ചിട്ടില്ല. അതേസമയം, നിപ്പ വൈറസ് ബാധിതരുടെ ചികിത്സക്കായുള്ള മരുന്ന് വന്തോതില് മെഡിക്കല് കോളജിലെത്തിച്ചിട്ടുണ്ട്. റിപാവിറിന് എന്ന മരുന്നാണ് കെ.എം.എസ്.സി.എല് മുഖേന എത്തിച്ചത്. മലേഷ്യയില് രോഗം പടര്ന്നുപിടിച്ച കാലത്ത് നല്കിയ മരുന്നാണ് റിപാവിറിന്.
