ഇന്ന് ഐ പി എല്‍ ഫൈനലില്‍ മുംബൈ ഇന്ത്യന്‍സും ഡെല്‍ഹി കാപിറ്റല്‍സും ആണ് നേര്‍ക്കുനേര്‍ വരുന്നത്. മുംബൈ ഇന്ത്യന്‍സിനാണ് എല്ലാവരും മുന്‍തൂക്കം നല്‍കുന്നത് എങ്കിലും ഡെല്‍ഹി കാപിറ്റല്‍സിന് കിരീടം നേടാനുള്ള മികവുണ്ട് എന്ന് ഡെല്‍ഹിയുടെ പരിശീലകന്‍ റിക്കി പൊണ്ടിംഗ് പറയുന്നു. ഡെല്‍ഹിക്ക് മുംബൈ ഇന്ത്യന്‍സിനെ തോല്‍പ്പിക്കാന്‍ ഉള്ള ശക്തിയുണ്ട്. മുംബൈ കളിക്കാന്‍ ഒട്ടും ഇഷ്ടപ്പെടാത്ത അവര്‍ ഭയക്കുന്ന എതിരാളികള്‍ ആണ് ഡെല്‍ഹി എന്നും പോണ്ടിംഗ് പറഞ്ഞു.
ഐ പി എല്ലില്‍ ഈ സീസണില്‍ മൂന്ന് തവണ രണ്ടു ടീമുകളും ഏറ്റുമുട്ടിയിരുന്നു. മൂന്ന് തവണയും മുംബൈ ആണ് വിജയിച്ചത്. എന്നാല്‍ ആ മത്സരങ്ങളില്‍ ഡെല്‍ഹി ആരുടെ മികവിന് വളരെ ദൂരെ ആയിരുന്നു എന്ന് പോണ്ടിംഗ് പറഞ്ഞു.പവര്‍ പ്ലേയിലെ ബാറ്റിംഗും അവസാന ഓവറുകളിലെ ബൗളിങും ആണ് ഡെല്‍ഹിയുടെ പ്രശ്നം എന്നും അത് പരിഹരിക്കുകയാണെങ്കില്‍ ഇന്ന് മുംബൈ ഇന്ത്യന്‍സിനെ തോല്‍പ്പിക്കാം എന്നും പോണ്ടിംഗ് പറഞ്ഞു.
