ദില്ലി: പ്രശസ്ത കര്ണ്ണാടക സംഗീതജ്ഞയും ഭാരത് രത്ന ജേതാവുമായ എംഎസ് സുബ്ബലക്ഷ്മിക്ക് 100-ാം ജന്മദിന വാര്ഷികത്തില് ഇന്ത്യയുടെ ആദരം. പുതിയതായി പുറത്തിറക്കുന്ന 100 രൂപയുടെയും 10 രൂപയുടെയും നാണയങ്ങളില് എംഎസ് സുബ്ബലക്ഷ്മിയുടെ ചിത്രം ആലേഖനം ചെയ്യും.
നാണയത്തിന്റെ മധ്യ ഭാഗത്തായിട്ടായിരിക്കും ചിത്രം ആലേഖനം ചെയ്യുക. ദേവനാഗിരി ലിപിയിലും ഇംഗ്ലീഷിലും ആയിരിക്കും എംഎസ് സുബ്ബലക്ഷ്മി എന്ന് എഴുതുക. മറുവശത്ത് അശോകസ്കതംഭവും ആലേഖനം ചെയ്യും. താഴെ സത്യമേവ ജയതേ എന്ന ആപ്ത വാക്യവും ഉണ്ടാകും.
സുബ്ബലക്ഷ്മിയുടെ ചിത്രം ആലേഖനം ചെയ്ത നാണയങ്ങള്ക്കൊപ്പം മുന് മുഖ്യമന്ത്രിയും സിനിമാ താരവുമായ എംജി രാമചന്ദ്രന്റെ ചിത്രം ആലേഖനം ചെയ്ത 5 രൂപ, 100 രൂപ നാണയങ്ങള് ഇറക്കുമെന്നും ധനകാര്യ മന്ത്രാലയം അറിയിച്ചു.