വടകര: ബൈക്കിലിടിച്ച് നിര്ത്താതെ പോയ ലോറി നാട്ടുകാര് പിന്തുടര്ന്ന് പിടികൂടിയപ്പോള് ലഭിച്ചത് ഏഴര ലിറ്റര് കര്ണാടക മദ്യം. ലോറി ഡ്രൈവറെയും ക്ലീനറെയും മദ്യലഹരിയില്ക്കണ്ട നാട്ടുകാര് വിവരം നല്കിയതിനെ തുടര്ന്ന് വടകര പൊലീസ് നടത്തിയ പരിശോധനയിലാണ് ലോറിയില് നിന്നും മദ്യം കണ്ടെത്തിയത്. ലോറി ഡ്രൈവര് മഹാരാഷ്ട്ര സാംഗ്ലി സ്വദേശികളായ അട്പാടി പിമ്ബാരി ബാത്ത് വിനായക് പവാര് (36),സാംഗ്ലി തംബാബ് ശാസ്ത്രയില് അമിത്ത് ചന്ദ്രകാന്ത് ഷിന്ഡെ (20) എന്നിവരെ പൊലീസ് അറസ്റ്റ് ചെയ്തു.
ലോറി കസ്റ്റഡിയിലെടുത്തു. ബുധനാഴ്ച രാത്രി ഏഴ് മണിയോടെ ദേശീയപാതയില് ചോറോട് മേല്പാലത്തിന് സമീപം ബൈക്ക് യാത്രക്കാരായ രണ്ടു പേരെ ഇടിച്ച ശേഷം നിര്ത്താതെപോയ ലോറി നാട്ടുകാര് പിന്തുടര്ന്ന് പുഞ്ചിരിമില്ലില്വെച്ച് പിടികൂടുകയായിരുന്നു. ബൈക്ക് യാത്രക്കാരായ രണ്ടു പേരും ഗുരുതരാവസ്ഥയിലായതിനെ തുടര്ന്ന് കോഴിക്കോെട്ട സ്വകാര്യ ആശുപത്രിയില് പ്രവേശിപ്പിച്ചു. വടകര ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
