കണിച്ചാര് : മലയോരത്തെ റോഡിന്റെ ശോചനീയാവസ്ഥയ് ക്കും തെരുവുനായ ശല്യത്തിനുമെതിരെ കെസിവൈഎം പേരാവൂര് മേഖലയുടെ നേതൃത്വത്തില് ‘ ഒന്നെങ്കില് കടി അല്ലെങ്കില് കുഴി ‘ എന്നപേരില് പ്രതിഷേധ പരിപാടി സംഘടിപ്പിച്ചു.റോഡപകടത്തിന്റെ പ്രതീകാത്മക ദൃശ്യം ആവിഷ്കരിച്ചുകൊണ്ടാണ് കെസിവൈഎം പ്രതിഷേധിച്ചത്.
കേരളത്തില് റോഡിലെ കുഴിയില് വീണും തെരുവുനായ അക്രമത്തിലും ഒട്ടേറെ ജീവനുകള് പൊലിഞ്ഞിട്ടും ക്രിയാത്മകമായ ഇടപെടല് നടത്താത്തത്തിനെതിരേയായിരുന്നു പ്രതിഷേധം. കണിച്ചാര് സെന്റ് ജോര്ജ് പള്ളി അസി. വികാരി ഫാ. അജീഷ് അയലാട്ടില് ഉദ്ഘാടനം ചെയ്തു. കെസിവൈഎം പേരാവൂര് മേഖലാ പ്രസിഡന്റ് അഖില് അയിലുക്കുന്നേല് അധ്യക്ഷത വഹിച്ചു. മേഖലാ ഭാരവാഹികളായ ജെറിന് ശാസ്താംകുന്നേല്, ജിബിന് തയ്യില്, അഖില് എടത്താഴെ, ദര്ശന് തോമസ്, എന്നിവര് പ്രസംഗിച്ചു.പി. അജിത്, കെ.ആര്.പ്രിന്സ്, ജിനില് സജി, ജിമ്മി ജോസ് നേതൃത്വം നല്കി.