കോട്ടയം: കഴിഞ്ഞ ദിവസം മൂളക്കുളത്ത് നായകളെ ചത്ത നിലയില് കണ്ടെത്തിയ സംഭവത്തില് പോലീസ് കേസ് എടുത്തു. പരാതിയുടെ അടിസ്ഥാനത്തില് വെള്ളൂര് പോലീസ് ആണ് കേസെടുത്തത്.നായകളുടെ പോസ്റ്റുമോര്ട്ടം ഉള്പ്പെടെ നടത്തി തുടര് നടപടി എടുക്കും.
സംസ്ഥാനത്ത് തെരുവ് നായ ശല്യം രൂക്ഷമായി തുടരുന്നതിനിടെയാണ് കഴിഞ്ഞ ദിവസം കോട്ടയത്ത് പന്ത്രണ്ട് തെരുവു നായകളെ ചത്തനിലയില് കണ്ടെത്തിയത്. കോട്ടയം മുളക്കുളം കാരിക്കോട് മേഖലയിലാണ് തെരുവു നായകളെ ചത്ത നിലയില് കണ്ടെത്തിയത്. സംഭവത്തില് പ്രതിഷേധവുമായി മൃഗസ്നേഹികള് രംഗത്തെത്തിയിരുന്നു. തിങ്കളാഴ്ച രാവിലെയാണ് മുളക്കുളം പഞ്ചായത്തിലെ കാരിക്കോട്, കയ്യൂരിക്കല്, കീഴൂര് എന്നിവിടങ്ങളില് നായ്ക്കളെ കൂട്ടത്തോടെ ചത്തനിലയില് കണ്ടെത്തിയത്.
നായകളെ വിഷംവെച്ച് കൊന്നതായാണ് ആരോപണം. അക്രമകാരികളായ നായ്ക്കളെ പ്രതിരോധിക്കുന്നതിനുളള നടപടി സ്വീകരിക്കുന്നതിന് പകരം നിരുപദ്രവകാരികളായ നായകളെയടക്കം കൊന്നൊടുക്കിയ നടപടിക്കെതിരെയാണ് മൃഗസ്നേഹികളുടെ പ്രതിഷേധം.
ഞായറാഴ്ച സംസ്ഥാനത്ത് വിവിധ ജില്ലകളിലായി തെരുവു നായയുടെ ആക്രമണത്തില് ഏഴ് പേര്ക്ക് പരിക്കേറ്റു. നാല് കുട്ടികളടക്കമാണ് ഏഴ് പേര്ക്ക് ഇന്ന് തെരുവു നായയുടെ കടിയേറ്റത്. കോഴിക്കോട് നാലുപേര്ക്കും കണ്ണൂര്, പാലക്കാട്, കൊല്ലം എന്നിവിടങ്ങളില് ഓരോരുത്തര്ക്കുമാണ് കടിയേറ്റത്.
ഇതിനിടെ തെരുവുനായ ആക്രമണം രൂക്ഷമായ സാഹചര്യത്തില് രണ്ടു വര്ഷമായി നിലച്ചിരുന്ന നായകളെ വന്ധ്യംകരിക്കുന്ന ആനിമല് ബെര്ത്ത് കണ്ട്രോള് പദ്ധതി ഊര്ജിതമാക്കാനാണ് നീക്കം
