ശ്രീനഗര്: വെടിനിര്ത്തല് കരാര് ലംഘിച്ച് പാക്കിസ്ഥാന് നടത്തിയ ഷെല്ലാക്രമണത്തില് സൈനികന് വീരമൃത്യു. പ്രദേശവാസിക്ക് പരിക്ക്. ജമ്മുകാഷ്മീരിലെ രജൗറി, പൂഞ്ച് ജില്ലകളില് ഉള്പ്പെടുന്ന തര്കുന്ദി സെക്ടറിലെ നിയന്ത്രണരേഖയിലാണ് പാക് സൈന്യം ഷെല്ലാക്രമണം നടത്തിയത്. ആക്രമണത്തില് ഗുരുതര പരിക്കേറ്റ സൈനികനാണ് മരിച്ചത്.
ഇന്ത്യന് സേന തിരിച്ചടിച്ചുവെന്നും പ്രതിരോധ ഉദ്യോഗസ്ഥര് അറിയിച്ചു. രാജധാനി സ്വദേശിയായ നയമത്തുള്ള(35)യ്ക്കാണ് ആക്രമണത്തില് പരിക്കേറ്റത്. ഇദ്ദേഹത്തെ ആശുപത്രിയിലേക്കു മാറ്റിയെന്നും ആരോഗ്യനില തൃപ്തികരമാണെന്നും മുതിര്ന്ന പോലീസ് ഉദ്യോഗസ്ഥര് വ്യക്തമാക്കി. ഇരുവിഭാഗങ്ങളും ഏറ്റുമുട്ടല് തുടരുകയാണ്.