കശ്മീര്: കശ്മീരില് ആറ് ഭീകരരെ ഏറ്റുമുട്ടലില് വധിച്ച് സൈന്യം. അനന്തനാഗിലും കുല്ഗാമിലുമായി നടത്തിയ രണ്ട് വ്യത്യസ്ത ഏറ്റുമുട്ടലുകളിലാണ് ഭീകരരെ വധിച്ചത്.
ജെയ്ഷെ മുഹമ്മദ് ഭീകരരാണ് കൊല്ലപ്പെട്ടത്.
ഇവരില് രണ്ട് പേര് പാകിസ്താനില് നിന്നെത്തിയവരാണ്. രണ്ട് പേര് കശ്മീരില് നിന്ന് തന്നെയുള്ളവരാണ്. മറ്റ് രണ്ട് പേരെ തിരിച്ചറിഞ്ഞിട്ടില്ല. പ്രദേശത്ത് പരിശോധന ശക്തമാക്കിയിരിക്കുകയാണെന്ന് കശ്മീര് ഐജി വ്യക്തമാക്കി.
ഇന്നലെ വൈകീട്ടോടെയാണ് പ്രദേശത്ത് ഏറ്റുമുട്ടല് ആരംഭിച്ചത്. രഹസ്യവിവരത്തിന്റെ അടിസ്ഥാനത്തില് പരിശോധിക്കാന് എത്തിയ സുരക്ഷാസേനയ്ക്ക് നേരെ ഭീകരര് വെടിയുതിര്ക്കുകയായിരുന്നു.