കോഴിക്കോട്: യുവ മാധ്യമപ്രവര്ത്തകനെ മരിച്ച നിലയില് കണ്ടെത്തി. മീഡിയവണ് സബ് എഡിറ്റര് നിതിന് ദാസി(26) നെയാണ് മുറിയില് മരിച്ച നിലയില് കണ്ടെത്തിയത്.
വൈകീട്ടുള്ള ഷിഫ്റ്റില് കയറേണ്ടിയിരുന്ന നിതിനെ കുറെ സമയമായിട്ടും എത്താത്തതിനെ തുടര്ന്ന് സുഹൃത്തുക്കള് ഫോണില് ബന്ധപ്പെടുകയായിരുന്നു. എന്നാല് ഫോണ് എടുത്തിരുന്നില്ല. തുടര്ന്ന് വെള്ളിപറമ്പിലെ ചാനല് ഓഫീസിന് അടുത്തുള്ള താമസസ്ഥലത്ത് അന്വേഷിച്ചെത്തിയപ്പോഴാണ് സുഹൃത്തുക്കള് സംഭവമറിയുന്നത്. ഉടന് തന്നെ മെഡിക്കല് കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.
മൃതദേഹം കോഴിക്കോട് മെഡിക്കല് കോളജ് ആശുപത്രിയില്. രണ്ട് വര്ഷമായി മീഡിയവണ് എഡിറ്റോറിയല് ടീം അംഗവും വാര്ത്ത അവതാരകനുമാണ്.
