ഡല്ഹി: യുദ്ധസമാന സാഹചര്യം തുടരുന്നതിനിടെ അതിര്ത്തിയില് നിന്ന് ഒരു ശുഭവാര്ത്ത. അതിര്ത്തി ലംഘിച്ച് ചൈനയില് നിന്ന് ഇന്ത്യയിലെത്തിയ ഒരുകൂട്ടം യാക്കുകളെ ഇന്ത്യന് സൈന്യം ചൈനീസ് അധികൃതര്ക്ക് കൈമാറി എന്നതായിരുന്നു ആ ശുഭവാര്ത്ത. അരുണാചല് പ്രദേശിലെ കിഴക്കന് കമേംഗിലെ യഥാര്ത്ഥ നിയന്ത്രണ രേഖയാണ് 13 യാക്കുകളും നാല് കുഞ്ഞുങ്ങളും ലംഘിച്ചത്. ഓഗസ്റ്റ് 31നായിരുന്നു അതിര്ത്തിലംഘനം. ചൈനീസ് അധികൃതരുമായി കാര്യങ്ങള് ചര്ച്ചചെയ്തശേഷമാണ് ഇവയെ കൈമാറിയത്. മാനുഷിക മൂല്യങ്ങള് പരിഗണിച്ചുളള നടപടി എന്നാണ് യാക്കുകളുടെ കൈമാറ്റത്തെ ഇന്ത്യന് സൈന്യം വിശേഷിപ്പിച്ചത്. നടപടിയില് ചൈന നന്ദി അറിയിച്ചിട്ടുണ്ട്. ചൈനീസ് സൈനികരാണ് യാക്കുകളെ ഏറ്റുവാങ്ങിയത്.