തൊടുപുഴ: ഇടുക്കി ഡാമില് ബ്ലൂ അലര്ട്ട് പ്രഖ്യാപിച്ചു. രാവിലെ 10 മണിക്ക് ജലനിരപ്പ് 2388.08 അടിയായതിന്റെ പശ്ചാത്തലത്തിലാണ് ബ്ലൂ അലര്ട്ട് പ്രഖ്യാപിച്ചത്. 7 അടി കൂടി വെള്ളം ഉയര്ന്നാല് റെഡ് അലര്ട്ട് പ്രഖ്യാപിക്കും. ജലനിരപ്പ് 2395.98 അടി ആയാല് ഡാം തുറക്കും. അതേസമയം കക്കി-ആനത്തോട് ഡാമിന്റെ രണ്ടു ഷട്ടറുകള് ഇന്ന് രാവിലെ 10 മണിക്ക് തുറന്നതായി ജില്ലാ കലക്ടര് പി.ബി.നൂഹ് അറിയിച്ചു. ഡാമിന്റെ രണ്ടു ഷട്ടറുകള് 25 സെന്റീമീറ്റര് വീതമാണ് ഉയര്ത്തി അധികജലം പമ്ബാ നദിയിലേക്ക് ഒഴുക്കി വിടുന്നത്.