ബോസ്റ്റണ്: അമേരിക്കയില് വംശീയ വിരുദ്ധ പ്രക്ഷോഭങ്ങളുടെ ഭാഗമായി ഇറ്റാലിയന് കടല് സഞ്ചാരി ക്രിസ്റ്റഫര് കൊളംബസിന്റെ പ്രതിമകള്ക്കു നേരെ ആക്രമണം. ബോസ്റ്റണില് കൊളംബസിന്റെ പ്രതിമയുടെ തല വെട്ടിമാറ്റി. നഗരത്തിന്റെ ഹൃദയഭാഗത്ത് ഉണ്ടായിരുന്ന പ്രതിമയാണ് തകര്ത്തത്.
ചൊവ്വാഴ്ച അര്ധരാത്രിയോടെയാണ് ആക്രമണമെന്നാണ് കരുതുന്നത്. സംഭവത്തില് പോലീസ് കേസെടുത്തു. ആക്രമണവുമായി ബന്ധപ്പെട്ട് ആരെയും അറസ്റ്റ് ചെയ്തിട്ടില്ല.
മയാമിയിലും വെര്ജീനിയയിലെ റിച്ച്മൗണ്ടിലും കൊളംബസ് പ്രതിമകള്ക്കു നേരെ സമാനമായ ആക്രമണം നടന്നിരുന്നു. മയാമിയില് പ്രതിമ തകര്ത്തപ്പോള് റിച്ച്മൗണ്ടില് പ്രതിമ വലിച്ചിഴച്ച് തടാകത്തില് എറിഞ്ഞു.
ഫ്ലോയിഡിന്റെ കൊലപാതകവുമായി ബന്ധപ്പെട്ട് വംശീയ വിരുദ്ധ പ്രക്ഷോഭങ്ങള് ശക്തിപ്രാപിച്ചതോടെയാണ് കൊളംബസ് പ്രതിമകള്ക്കു നേരെയും ആക്രമണം ഉണ്ടായത്. കോളനിസ്ഥാപകരെ അനുസ്മരിപ്പിക്കുന്ന ശില്പങ്ങള് നീക്കം ചെയ്യാന് ആഹ്വാനം ചെയ്താണ് ആക്രമണം.