തിരുവനന്തപുരം: തെക്കന് ശ്രീലങ്കന് തീരത്തും തെക്ക് കിഴക്കന് ബംഗാള് ഉള്ക്കടലിലും ഇന്ന് (സെപ്തംബര് 30) മണിക്കൂറില് 40 മുതല് 50 കിലോമീറ്റര് വരെ വേഗതയില് വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്രകാലാവസ്ഥാ വകുപ്പ് അറിയിച്ചു.
ഈ പ്രദേശങ്ങളില് മത്സ്യത്തൊഴിലാളികള് മത്സ്യബന്ധനത്തിനു പോകരുതെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
അതേസമയം കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്നും ജില്ലാ കളക്ടര് അറിയിച്ചു.
ഒക്ടോബര് ഒന്ന്, രണ്ട് തിയതികളില് തിരുവനന്തപുരം ജില്ലയില് 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതായി കേന്ദ്രകാലാവസ്ഥാ വകുപ്പ് അറിയിച്ചു. ഈ സാഹചര്യം മുന്നിര്ത്തി ജില്ലയില് ഈ ദിവസങ്ങളില് മഞ്ഞ അലര്ട്ട് പ്രഖ്യാപിച്ചതായി കളക്ടര് ഡോ. നവ്ജ്യോത് ഖോസ അറിയിച്ചു.
