ടൊറന്റോ: ഗ്രീക്ടൗണ് മേഖലയിലെ റസ്റ്റോറന്റിന് പുറത്തുണ്ടായ വെടിവെപ്പില് നിരവധി പേര്ക്ക് വെടിയേറ്റു. ഇന്ന് രാവിലെ പ്രാദേശിക സമയം 10 മണിക്കാണ് സംഭവമുണ്ടായത്. ഒരു പെണ്കുട്ടിയടക്കം പരിക്കേറ്റ 10ഒാളം പേരെ നഗരത്തിലെ വിവിധ ആശുപത്രികളിലായി പ്രവേശിപ്പിച്ചു.
റസ്റ്റോറന്റില് പിറന്നാള് ആഘോഷം നടക്കുന്നതിനിടെയാണ് വെടിവെപ്പുണ്ടായത്. കറുത്ത വസ്ത്രം ധരിച്ചയാളാണ് വെടിവെച്ചത്. സംഭവ ശേഷം ആക്രമി സ്വയം വെടിവെച്ച് മരിച്ചതായി റിപ്പോര്ട്ടുകളുണ്ട്. പുറത്ത് നിന്ന് റസ്റ്റോറന്റ് ലക്ഷ്യമാക്കി വെടി വെക്കുകയായിരുന്നുവെന്ന് ദൃക്സാക്ഷികളിലൊരാള് പറഞ്ഞു.
’20 തവണ വെടിയൊച്ച കേട്ടു. ഒാരോ തവണ വെടിവെക്കുമ്പോഴും ആക്രമി തോക്ക് റീലോഡ് ചെയ്യുന്ന ശബ്ദവും കേട്ടിരുന്നു. നാല് പേര് വെടിയേറ്റ് വീഴുന്നതിനും സാക്ഷിയായതായി’ അയാള് പറഞ്ഞു. നഗരത്തില് രക്ഷാ പ്രവര്ത്തനം തുടരുകയാണ്. നഗരവാസികളോട് ജാഗ്രത പാലിക്കാന് അധികൃതര് ആവശ്യപ്പെട്ടിട്ടുണ്ട്. കൂടുതല് വിവരങ്ങള് ലഭ്യമായിട്ടില്ല.
