അമ്ബലപ്പുഴ: പെരുമഴയും കണക്കിലെടുക്കാതെ തോട്ടപ്പള്ളി പൊഴിമുഖത്തു നിന്ന് കെ.എം.എം.എല്. ഞായറാഴ്ചയും കരിമണല് കയറ്റിക്കൊണ്ടു പോകുകയുണ്ടായി. കടപ്പുറത്തെ അനിയന്ത്രിതമായ മണലെടുപ്പിന്റെ ഫലമായി പുറക്കാട് ഗ്രാമപ്പഞ്ചായത്തിന്റെ തീരങ്ങളില് കടല്ഭിത്തിയ്ക്കടിയിലെ മണ്ണൊലിച്ചുപോകുന്നത് ജനങ്ങളെ വളെരെയേറെ ഭീതിയിലാക്കിയിരിക്കുകയാണ് ഇപ്പോള്. മണ്ണൊലിച്ച് കടല് ഭിത്തിക്ക് കിഴക്കുവശം തോടായി മാറികിടക്കുന്ന പ്രദേശങ്ങള് ഞായറാഴ്ച പരിസ്ഥിതിപ്രവര്ത്തകരുടെ സംഘം സന്ദര്ശിക്കുകയുണ്ടായി. ഹൈക്കോടതിയുടെ ഇടക്കാല ഉത്തരവിനെത്തുടര്ന്ന് ബുധനാഴ്ച നിര്ത്തിവച്ചിരുന്ന ജനകീയസമരസമിതിയുടെ റിലേസത്യാഗ്രഹം ഞായറാഴ്ച പുനരാരംഭിക്കുകയുണ്ടായി.
കടപ്പുറത്തുനിന്ന് മണലെടുത്താല് തീരത്തിന് ഭീഷണിയാകുമെന്ന ജനങ്ങളുടെ വാക്കുകള് അവഗണിച്ചാണ് തോട്ടപ്പള്ളി പൊഴിമുഖത്തുനിന്ന് സര്ക്കാര് അനുമതിയോടെ വന്തോതില് മണലെടുക്കുന്നത്.
കഴിഞ്ഞമാസം ഇരുപതിനാണ് ചവറയിലേക്ക് കരിമണല് കൊണ്ടുപോയിത്തുടങ്ങിയിരുന്നത്. കരിമണല് ഖനനത്തിനെതിരേ നടന്ന ജനകീയസമരങ്ങളും അവഗണിച്ചുകൊണ്ടാണ് ഇത് ചെയ്തിരിക്കുന്നത്. മൂവായിരത്തിനടുത്ത് ലോറി കരിമണലാണ് ഇതിനകം തീരത്തുനിന്ന് പോലീസ് കാവലില് കൊണ്ടുപോയിരിക്കുന്നത്. പ്രതിഷേധമുണ്ടാകുമെന്ന് ഭയന്ന് ഞായറാഴ്ച രാവിലെ പത്തരയോടെ മാത്രമാണ് മണല്കയറ്റാന് ലോറികള് വരന് തുടങ്ങിയത്. വന് പോലീസ് സംഘവും ഇതിനൊപ്പം വന്നിരുന്നു.
ജനപ്രതിനിധികളുടെ നേതൃത്വത്തില് ലോറികള് തടയാന് തീരുമാനമുണ്ടായിരുന്നെങ്കിലും പ്രതിഷേധക്കാര് രംഗത്ത് എത്തിയിരുന്നില്ല. കരിമണല് ഖനനത്തിനെതിരേ ജനകീയസമരസമിതി പൊഴിമുഖത്തിന് സമീപം നടത്തിവരുന്ന റിലേ സത്യാഗ്രഹത്തിന്റെ 23-ാം ദിവസത്തെ സമരം ധീവരസഭ സംസ്ഥാനസെക്രട്ടറി സി.ഗോപിനാഥ് ഉദ്ഘാടനം ചെയ്തിരിക്കുകയാണ്. ധീവരസഭ ജില്ലാ വൈസ് പ്രസിഡന്റ് കെ.കെ.പ്രകാശന് സത്യാഗ്രഹം അനുഷ്ഠിച്ചു.
സമരസമിതി ചെയര്പേഴ്സണ് റഹ്മത്ത് ഹാമിദ് അധ്യക്ഷയായി. എ.കെ.ബേബി, എന്.ആര്.ഷാജി, എം.എച്ച്.വിജയന്, കെ.പ്രദീപ്, ആര്.സജിമോന്, പി.ആരോമല്, അരുണ് അനിരുദ്ധന്, എം.വി.രഘു, പ്രകാശന്, ബിന്ദു ഷാജി, സുലേഖാ ബാബു എന്നിവര് ചടങ്ങില് പ്രസംഗിച്ചു.
