കല്പകഞ്ചേരി: കടുങ്ങാത്തുകുണ്ടില് സ്കൂള് വിദ്യാര്ഥികള് തമ്മിലുണ്ടായ അടിപിടിക്കിടെ ഒരാള്ക്ക് മര്ദനമേറ്റന്ന പരാതിയില് പൊലീസ് കേസെടുത്തു.
കണ്ടാലറിയാവുന്ന 50ഓളം പേര്ക്കെതിരെയാണ് കല്പകഞ്ചേരി പൊലീസ് കേസെടുത്തത്. അടിപിടിക്കിടെ കടക്ക് മുന്നില്നിന്ന് മാറാന് ആവശ്യപ്പെട്ടതിനാണ് വിദ്യാര്ഥികള് മറ്റൊരാളെ മര്ദിച്ചതെന്ന് പൊലീസ് പറഞ്ഞു. വിദ്യാര്ഥികളെത്തിയ 20ഓളം ഇരുചക്ര വാഹനങ്ങളും ഒരു കാറും പൊലീസ് കസ്റ്റഡിയിലെടുത്തു.
കടുങ്ങാത്തുകുണ്ടില് വിദ്യാര്ഥി തര്ക്കം പതിവ്
കല്പകഞ്ചേരി: കടുങ്ങാത്തുകുണ്ടില് വിദ്യാര്ഥികള് തമ്മില് അടിപിടി പതിവാകുന്നു. രണ്ട് വിദ്യാലയങ്ങളിലെ വിദ്യാര്ഥികള് തമ്മിലാണ് തര്ക്കത്തിലും അടിപിടിയിലും ഏര്പ്പെടുന്നത്. ഏതാനും ദിവസങ്ങളായി പരസ്പരം വെല്ലുവിളികള് നടത്തി സംഘര്ഷത്തിനുള്ള കോപ്പ് കൂട്ടുന്നു.
കഴിഞ്ഞദിവസം സംഘര്ഷത്തില് ഏര്പ്പെട്ട വിദ്യാര്ഥികളെ പൊലീസ് പിടികൂടി. ഓരോ വിദ്യാര്ഥിയുടെയും രക്ഷിതാക്കളെയും സ്റ്റേഷനില് വിളിച്ചുവരുത്തി.
ശക്തമായ നടപടികള് ഉണ്ടാകുമെന്ന് പൊലീസ് ഇന്സ്പെക്ടര് റിയാസ് രാജ പറഞ്ഞു.