മുംബൈ: മുഖകാന്തി വര്ധിപ്പിക്കുന്ന ഫെയര്നെസ് ക്രീമുകളുടെ പരസ്യങ്ങളിലും പേരിലും വരെ മാറ്റം വരുത്താന് കമ്ബനികള് നിര്ബന്ധിതരാകുന്നു. യൂണിലിവര് എന്ന ബഹുരാഷ്ട്ര ഗ്രൂപ്പിന്റെ ഫെയര് ആന്ഡ് ലവ്ലി ക്രീമിന്റെ പേരില്നിന്ന് ഫെയര് മാറ്റുകയാണ്.യൂണിലിവറിന്റെ ഇന്ത്യന് കമ്ബനിയായ ഹിന്ദുസ്ഥാന് യൂണിലിവര് ചെയര്മാന് സഞ്ജീവ് മേത്ത ഒരു പ്രസ്താവനയില് ഇതു സ്ഥിരീകരിച്ചു.
അമേരിക്കയില് കറുത്ത വര്ഗക്കാരനായ ജോര്ജ് ഫ്ളോയ്ഡ് കൊല്ലപ്പെട്ടതിനെത്തുടര്ന്നു വളര്ന്ന “ബ്ലായ്ക്ക് ലൈവ്സ് മാറ്റര്’ പ്രക്ഷോഭത്തിന്റെ പശ്ചാത്തലത്തിലാണ് “വെളുപ്പിക്കല്’ പ്രയോഗത്തോട് എതിര്പ്പു കൂടിയത്. സമൂഹമാധ്യമങ്ങളിലെ പ്രചാരണമാണു യൂണിലിവറിനെ പുനരാലോചനയ്ക്കു പ്രേരിപ്പിച്ചത്. തൊലി വെളുപ്പിക്കാന് സഹായിക്കുന്നു എന്ന മട്ടിലുള്ള പരസ്യവാചകങ്ങള് ഉപേക്ഷിക്കുന്നു. പരസ്യത്തില് പല നിറത്തിലുള്ള മോഡലുകളെയും അവതരിപ്പിക്കുമെന്നു മേത്ത പറഞ്ഞു.
