സിയോള്‍: ദക്ഷിണകൊറിയന്‍ മുന്‍ പ്രധാനമന്ത്രി കിം ജോങ് പില്‍ അന്തരിച്ചു. വാര്‍ധ്യകസഹജമായ അസുഖങ്ങളെത്തുടര്‍ന്ന്‍ ഇന്ന് രാവിലെ 8.15ഓടെ ആ സുന്‍ചന്‍ഹാങ് യൂനിവേഴ്‌സിറ്റി ആശുപത്രിയിലായിരുന്നു അന്ത്യം.
ശാരീരിക അസ്വസ്ഥതകള്‍ അനുഭവപ്പെട്ടതിനെ തുടര്‍ന്നാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. എന്നാല്‍ ആശുപത്രിയില്‍ എത്തുന്നതിന് മുമ്പ് തന്നെ മരിച്ചതായി അധികൃതര്‍ അറിയിച്ചു.
ദക്ഷിണകൊറിയന്‍ രഹസ്യാന്വേഷണ എജന്‍സി രൂപീകരിക്കുന്നതില്‍ മുഖ്യ പങ്ക് വഹിച്ച വ്യക്തിയാണ് കിം ജോങ് പില്‍. 1926 നായിരുന്നു ജനനം. കിം കൊറിയ മിലിട്ടറി അക്കാദമിയില്‍ നിന്ന് ബിരുദം നേടിയ പില്‍ 1971-75, 1998-2000 കാലഘട്ടങ്ങളില്‍ ഉത്തരകൊറിയന്‍ പ്രധാനമന്ത്രിയായി സേവനമനുഷ്ഠിച്ചു.
