ബ്രിസ്ബേനിലെ ചരിത്രവിജയത്തിന് പിന്നാലെ പ്രതികരണവുമായി ആസ്ട്രേലിയന് കോച്ച് ജസ്റ്റിന് ലാംഗര്. ഇന്ത്യയെ ഒരിക്കലും ഒരുകാലത്തും കുറച്ചുകാണരുതെന്നും അര്ഹിച്ച വിജയമാണ് സ്വന്തമാക്കിയതെന്നും ലാംഗര് പറഞ്ഞു.
”അവിസ്മരണീയമായ ഒരു പരമ്ബരയാണ് കഴിഞ്ഞുപോയത്. അവസാനം ഒരു ജേതാവും പരാജിതനുമുണ്ടാകും. പക്ഷേ ഇന്നത്തെ വിജയി ടെസ്റ്റ് ക്രിക്കറ്റാണ്. ഇന്ത്യ എല്ലാ ക്രഡിറ്റും അര്ഹിക്കുന്നു. അവര് തകര്പ്പന് പ്രകടനമായിരുന്നു നടത്തിയത്. ഞങ്ങള്ക്ക് ഇതില് നിന്നും പാഠം ഉള്കൊള്ളാനുണ്ട്.
ഒന്നു വെറുതെകിട്ടില്ലെന്ന പാഠമാണ് ആദ്യത്തേത്. രണ്ടാമത്തേത് ഒരിക്കലും ഒരുകാലത്തും ഇന്ത്യക്കാരെ കുറച്ചുകാണരുതെന്നാണ്. 1.5 ബില്യണ് ഇന്ത്യക്കാരുണ്ട്. അതുകൊണ്ടുതന്നെ ടീമില് ഇടംപിടിക്കുന്നവരൊക്കെയും വലിയ കടമ്ബകള് കടന്നാകും വന്നിട്ടുണ്ടാകുക” -ലാംഗര് ആസ്ട്രേലിയന് ചാനലായ ടിവി 9നോട് പ്രതികരിച്ചു.
ബ്രിസ്ബേനിലെ ഗാബ്ബ സ്റ്റേഡിയത്തില് 1988ന് ശേഷം ആദ്യമായാണ് ആസ്ട്രേലിയ ഒരു ടെസ്റ്റ് മത്സരം പരാജയപ്പെടുന്നത്. പരിക്കിന്റെ തിരിച്ചടികളിലും പ്രധാന താരങ്ങളുടെ അഭാവത്തിലും കളത്തിലിറങ്ങിയ ഇന്ത്യ അക്ഷരാര്ഥത്തില് ഓസീസിനെ ഞെട്ടിച്ചുകളഞ്ഞു.