പ്യോങ്യാങ്: കോവിഡ് വാക്സിന് ഗവേഷകരെ ലക്ഷ്യമിട്ട് ഉത്തരകൊറിയന് ഹാക്കര്മാര്. വാക്സിന് ഗവേഷണം നടത്തുന്ന ഒമ്ബത് സ്ഥാപനങ്ങളുടെ നെറ്റ്വര്ക്കിലേക്ക് അവര് കടന്നു കയറാന് ശ്രമിച്ചുവെന്നാണ് റിപ്പോര്ട്ട്. യു.എസ്, യു.കെ, ദക്ഷിണകൊറിയ, ജര്മ്മനി തുടങ്ങിയ രാജ്യങ്ങളിലെ വാക്സിന് ഗവേഷണ സ്ഥാപനങ്ങളിലും മരുന്ന് കമ്ബനികളിലും ഹാക്കര്മാര് കടന്നുകയറാന് ശ്രമിച്ചുവെന്നാണ് റിപ്പോര്ട്ട്.
യു.എസിലെ ജോണ്സണ്&ജോണ്സണ്, നോവാക്സ്, യു.കെയിലെ ആസ്ട്ര സെനിക്ക, ദക്ഷിണകൊറിയയിലെ ജെനെക്സിന്, ബോര്യങ് ഫാര്മ, ഷിന് പൂങ് ഫാര്മ, സെല്ട്രിയോണ് തുടങ്ങിയവും ബോസ്റ്റണിലെ മെഡിക്കല് സെന്ററിലും ടുബിന്ജെന് ജര്മ്മനി എന്നിവിടങ്ങളിലെല്ലാം ഹാക്കിങ് ശ്രമങ്ങളുണ്ടായി.
അതേസമയം, സുപ്രധാന വിവരങ്ങള് ഹാക്കര്മാര്ക്ക് ലഭിച്ചോയെന്നതില് വ്യക്തതയില്ല. കിമുസ്കി എന്ന ഹാക്കിങ് ഗ്രൂപ്പാണ് ഇതിന് പിന്നില് പ്രവര്ത്തിച്ചതെന്നും റിപ്പോര്ട്ടുകളുണ്ട്.