മസ്കത്ത്: കൊറോണ വൈറസിനെതിരെയുള്ള പ്രതിരോധ നടപടികളുടെ ഭാഗമായി വിദേശികള്ക്ക് പ്രവേശന വിലക്ക് ഏര്പ്പെടുത്തി ഒമാന്. സുപ്രീം കമ്മിറ്റിയുടെ ഞായറാഴ്ച രാത്രി നടന്ന യോഗമാണ് ഈ തീരുമാനമെടുത്തത്. വിലക്ക് ചൊവ്വാഴ്ച മുതല് പ്രാബല്യത്തില് വരും. ജി.സി.സി പൗരന്മാരെ വിലക്കില്നിന്ന് ഒഴിവാക്കിയിട്ടുണ്ട്.
അടുത്ത വെള്ളിയാഴ്ച മുതല് ജുമുഅ നമസ്കാരം ഉണ്ടാകില്ല. വിവാഹ പരിപാടികള്, മറ്റ് വിനോദ ഒത്തു ചേരലുകള് എന്നിവക്കും വിലക്ക് ഏര്പ്പെടുത്തി. ഖബറടക്കത്തിന് ആളുകള് ഒത്തുചേരുന്നതും നിരോധിച്ചിട്ടുണ്ട്. പാര്ക്കുകളടക്കം അടച്ചിടും. ഒമാനികളടക്കം രാജ്യത്ത് പ്രവേശിക്കുന്ന എല്ലാവരും ക്വറന്റൈന് നടപടികള്ക്ക് വിധേയരാകേണ്ടിവരും