ന്യൂഡല്ഹി: കോണ്ഗ്രസ് ദേശീയ അധ്യക്ഷ തെരഞ്ഞെടുപ്പില് വ്യാപക ക്രമക്കേട് നടന്നുവെന്ന് ആരോപിച്ച് സ്ഥാനാര്ഥി ശശി തരൂര്.ഉത്തര്പ്രദേശിലും തെലുങ്കാനയിലും കള്ളവോട്ട് നടന്നുവെന്നാണ് തരൂര് ആരോപിക്കുന്നത്.
ഇക്കാര്യം ചൂണ്ടിക്കാട്ടി തരൂര് പാര്ട്ടിക്ക് പരാതി നല്കി. യുപിയില് വോട്ട് ചെയ്യാത്തവരുടെ പേരില് മറ്റുള്ളവര് വോട്ട് ചെയ്തെന്നാണ് പ്രധാന പരാതി. തെലുങ്കാനയിലും കള്ളവോട്ട് നടന്നുവെന്ന് തരൂര് പറയുന്നു.
വോട്ടെടുപ്പിന് ശേഷം ബാലറ്റ് പെട്ടികള് എഐസിസി ആസ്ഥാനത്ത് എത്തിക്കുന്നതില് കാലതാമസം ഉണ്ടായി. പലവരണാധികാരികളും ബാലറ്റ് പെട്ടി വീട്ടില് കൊണ്ടുപോയെന്നും തരൂര് ആരോപിക്കുന്നു. എന്നാല് തോല്ക്കാന് പോകുന്നു എന്ന് മനസിലാക്കി തരൂര് മുന്കൂര് ജാമ്യം എടുത്തതാണെന്ന് കൊടിക്കുന്നില് സുരേഷ് പരിഹസിച്ചു.