തിരുവനന്തപുരം: ജനുവരി 30 മുതല് അനിശ്ചിതകാല ബസ് സമരം. മിനിമം ചാര്ജ് 10 രൂപയാക്കണമെന്ന് ആവശ്യപ്പെട്ടാണ് സമരം നടത്തുന്നതെന്ന് ബസ് ഓപ്പറേറ്റേഴ്സ് കോണ്ഫെഡറേഷന് അറിയിച്ചു.
സമരത്തിന് മുന്നോടിയായി ജനുവരി 22ന് സെക്രട്ടേറിയറ്റ് നടയില് നിരാഹാരമിരിക്കുമെന്നും ബസ് ഒാപ്പറേറ്റേഴ്സ് കോണ്ഫെഡറേഷന് അറിയിച്ചു. കിലോമീറ്റര് ചാര്ജ് 80 പൈസയാക്കി നിജപ്പെടുത്തണം, വിദ്യാര്ഥികളുടെ നിരക്ക് അഞ്ച് രൂപയായും നിലവിലുള്ള നിരക്കിന്റെ 50 ശതമാനമായും പുനര്നിര്ണയിക്കണം, വര്ധിപ്പിച്ച റോഡ് ടാക്സ് പിന്വലിക്കണം തുടങ്ങിയ വിവിധ ആവശ്യങ്ങളും സമരത്തില് ഉന്നയിക്കും.
സര്ക്കാരില് നിന്നും അനുകൂലമായ സമീപനം ഉണ്ടായില്ലെങ്കില് സമരം കൂടുതല് ശക്തമാക്കാനാണ് സ്വകാര്യ ബസുടമകളുടെ തീരുമാനം.
