മുംബൈ: ബോളിവുഡിന്‍റെ അഭിനയ പ്രതിഭ ഇര്‍ഫാന്‍ ഖാന്‍റെ പുതിയ സിനിമയുടെ പ്രമോഷനുവേണ്ടി ഒരു അത്ഭുതമാണ് സംഭവിച്ചത്. പരസ്പര വൈരം മറന്ന് ബോളിവുഡ് രാജാക്കന്മാരായ ഖാന് ത്രയമാണ് ഇര്‍ഫാനായി ഒരുമിച്ചെത്തിയത്.
ബിടൗണിലെ പ്രിയ താരങ്ങളായ ഷാരൂഖ് ഖാന്, സല്‍മാന്‍ ഖാന്, ആമിര്‍ ഖാന് എന്നിവരാണ് ഒന്നിച്ച്‌ ഒരു വേദിയില്‍ പ്രത്യക്ഷപ്പെടുന്നത്. ബോളിവുഡില്‍ ഖാന്‍മാര്‍ ശ്രദ്ധേയമാകുന്നത് ഇവരുടെ അഭിനയം കൊണ്ടുമാത്രമല്ല, പരസ്പരം നിലനില്‍ക്കുന്ന കടുത്ത മത്സരം കൊണ്ടുകൂടിയാണ്. എന്നാല്‍ സല്ലുവിനെയും കിംഗ് ഖാനെയും ചിലപ്പോഴെങ്കിലും ചിലവേദികളില്‍ ഒന്നിച്ചു കാണാറുണ്ട്. ആമിര്‍ മാത്രമാണ് ഇക്കൂട്ടത്തില്‍ അധികം കൂടാത്തത്.
എന്നാല്‍ ഒന്നിച്ചൊരു വേദിയില്‍ ഒത്തുകൂടാനൊരുങ്ങുകയാണ് മൂവരും.
ബ്ലാക്‌മെയില്‍ എന്ന ചിത്രമാണ് ഇര്‍ഫാന്‍റെതായി പുറത്തിറങ്ങുന്നത്. വയറിലെ ആന്തരികാവയവങ്ങളില്‍ ട്യൂമര്‍ ബാധിച്ചതിനെ തുടര്‍ന്ന് ചികിത്സയ്ക്കായി ഇപ്പോള്‍ യു.കെയില്‍ കഴിയുകയാണ് ഇര്‍ഫാന്‍. ചിത്രീകരണം പൂര്‍ത്തിയാക്കി റിലീസിനൊരുങ്ങുന്നതിനിടെയായിരുന്നു താരത്തിന് അസുഖം പിടിപെട്ടത്. എന്തായാലും ആദ്യമായി ഒരു സിനിമയ്ക്ക് വേണ്ടി മൂന്ന് താരരാജാക്കന്മാര്‍ പ്രൊമോഷന്‍ ചെയ്യുന്നു എന്ന പ്രത്യേകത കൂടി ഈ ഇര്‍ഫാന്‍ ചിത്രത്തിന് സ്വന്തമാകും.
