ന്യൂഡല്‍ഹി: ഓഗസ്റ്റ് 15 മുതല്‍ ജമ്മു കശ്മീരിലെ രണ്ട് ജില്ലകളില്‍ പരീക്ഷണാടിസ്ഥാനത്തില്‍ 4ജി നെറ്റ്‌വര്‍ക്ക് ലഭ്യമാക്കുന്നു. സുപ്രിംകോടതിയിലാണ് കേന്ദ്രസര്‍ക്കാര്‍ ഇക്കാര്യം അറിയിച്ചത്.
അന്താരാഷ്ട്ര അതിര്‍ത്തി, നിയന്ത്രണരേഖ തൊട്ടുകിടക്കുന്ന സ്ഥലങ്ങളില്‍ ഈ ഇളവുണ്ടാകില്ല. രണ്ടു മാസത്തിനു ശേഷം സ്ഥിതി സര്‍ക്കാര്‍ പരിശോധിക്കും. തുടര്‍ന്ന് മറ്റിടങ്ങളിലും അതിവേഗ നെറ്റ്‌വര്‍ക്ക് നല്‍കുന്നതിനെപ്പറ്റി ആലോചിക്കും.
ജമ്മു കശ്മീരിന്റെ പ്രത്യേക പദവി (ആര്‍ട്ടിക്കിള്‍ 370) യും സംസ്ഥാന പദവിയും എടുത്തുകളയുന്നതിനു മുന്നോടിയായാണ് ഇന്റര്‍നെറ്റ് റദ്ദാക്കിയത്. കഴിഞ്ഞ വര്‍ഷം ഓഗസ്റ്റ് അഞ്ചിനായിരുന്നു ഇത്.
