ഇരവിപുരം: ബൈക്കില് ആയുധവുമായെത്തി റോഡരികില് സംസാരിച്ച നിന്ന യുവാക്കളെ ഗുരുതരമായി വെട്ടിപ്പരിക്കേല്പിച്ച കേസിലെ പ്രതിയെ ഇരവിപുരം പൊലീസ് അറസ്റ്റ് ചെയ്തു.
മയ്യനാട് കരുവാന്കുഴി നിഷാദ് മന്സിലില്നിന്ന് ആക്കോലില് സുനാമി ഫ്ലാറ്റ് ബ്ലോക്ക് 12, ഫ്ലാറ്റ് രണ്ട്, അഷ്കര് മന്സിലില് വാടകക്ക് താമസിക്കുന്ന സിയാദ് (29) ആണ് അറസ്റ്റിലായത്.
ഇൗ മാസം പത്തിന് വൈകുന്നേരം അമ്മാച്ചന് മുക്കിലായിരുന്നു സംഭവം. ബൈക്കില് വാളുമായെത്തിയ സിയാദ് ആയിരംതെങ്ങ് പാലേലിമുക്കിന് സമീപം ഹാഷിം മന്സിലില് ഹസീം (28), സുഹൃത്ത് അനന്തു എന്നിവരെ വെട്ടിപ്പരിക്കേല്പിക്കുകയായിരുന്നു.
സംഭവത്തിനുശേഷം ഒളിവില് പോയ ഇയാളെ സിറ്റി സൈബര് സെല്ലിെന്റ സഹായത്തോടെ നടത്തിയ അന്വേഷണത്തിലാണ് പിടികൂടാനായത്.
ഇരവിപുരം എസ്.എച്ച്.ഒ ധര്മജിത്ത്, എസ്.ഐമാരായ ദീപു, ജയകുമാര്, സുനില്കുമാര്, എ.എസ്.ഐമാരായ ജയപ്രകാശ്, അജയകുമാര്, ഷിബു പീറ്റര്, സി.പി.ഒ സാബിത്ത് എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയില് ഹാജരാക്കി റിമാന്ഡ് ചെയ്തു.
നിരവധി കേസുകളിലെ പ്രതികള് അറസ്റ്റില്
ഇരവിപുരം: വധശ്രമം, അടിപിടി, കഞ്ചാവ് ഉള്െപ്പടെ നിരവധി കേസുകളില് പ്രതിയായ രണ്ടുപേരെ കാപ്പാ പ്രകാരം ഇരവിപുരം പൊലീസ് അറസ്റ്റ് ചെയ്തു. പുന്തല ത്താഴം പെരുങ്കുളംനഗര് ചരുവിളവീട്ടില് ആദര്ശ് (27), വടക്കേവിള പാട്ടത്തില് കാവ് നഗര് 130 സി.ആര്.ലാല് ഹൗസില് മനു റൊണാള്ഡ് (27) എന്നിവരെയാണ് അറസ്റ്റ് ചെയ്തത്.
പെരുമ്ബുഴയില് നിന്നാണ് ഇരുവരെയും പിടികൂടിയത്. ഇരുവരും അടുത്തിടെയാണ് ജാമ്യത്തിലിറങ്ങിയത്. സിറ്റി പൊലീസ് കമീഷണറുടെ നിര്ദേശപ്രകാരം സിറ്റി എ.സി.പി അനില്കുമാറിെന്റ മേല്നോട്ടത്തില് ഇരവിപുരം എസ്.എച്ച്.ഒ ധര്മജിത്ത്, എസ്.ഐമാരായ ദീപു, സൂരജ് ഭാസ്കര്, സന്തോഷ്, സി.പി.ഒമാരായ വിനു വിജയ്, സന്ദീപ്, അഖില് എന്നിവരടങ്ങിയ സംഘമാണ് പ്രതികളെ പിടികൂടിയത്.
