വാഷിങ്​ടണ്‍: നികുതിവെട്ടിപ്പ്​ കേസില്‍ മുന്‍ യു.എസ്​ പ്രസിഡന്‍റ്​ ഡോണള്‍ഡ്​ ട്രംപിന്‍റെ ചീഫ്​ ഫിനാന്‍ഷ്യല്‍ ഓഫീസര്‍ അലന്‍ വെയീസ്​ബെര്‍ഗിനെ പോലീസ് അറസ്റ്റ്​ ചെയ്​തു​. ട്രംപിന്‍റെ കമ്ബനിയിലെ നികുതിവെട്ടിപ്പുമായി ബന്ധപ്പെട്ടാണ് ഫിനാന്‍ഷ്യല്‍ ഓഫീസറുടെ ​ അറസ്റ്റ്​. ഏകദേശം 15 വര്‍ഷത്തോളം നികുതിവെട്ടിപ്പ്​ നടത്തിയെന്നാണ് അന്വേഷണ ഉദ്യോഗസ്ഥരുടെ ​ കണ്ടെത്തല്‍ ​. വ്യാഴാഴ്ച രാത്രിയാണ്​ മാന്‍ഹട്ടന്‍ കോടതി ചീഫ്​ ഫിനാന്‍ഷ്യല്‍ ഓഫീസര്‍ക്കെതിരെ കുറ്റം ചുമത്തിയത്​.

ട്രംപിന്‍റെ കമ്ബനികളില്‍ രണ്ട്​ തരത്തിലുള്ള അക്കൗണ്ട്​ ബുക്കുകളാണ്​ കൈകാര്യം ചെയ്​തിരുന്നത്​. ഒന്ന്​ കമ്ബനിയുടെ ആ ഭ്യന്തര ഉപയോഗത്തിനായിരുന്നു. ഈ ബുക്കില്‍ ജീവനക്കാര്‍ക്ക്​ നല്‍കുന്ന അപ്പാര്‍ട്ട്​മെന്‍റ്​, കാര്‍, ഫര്‍ണീച്ചര്‍, ട്യൂഷന്‍ പേയ്​മെന്‍റ്​, ഗിഫ്​റ്റുകള്‍ എന്നിവക്കായി മുടക്കിയ മുഴുവന്‍ പണത്തിന്റെയും വിവരങ്ങളാണ്​ ഉണ്ടാവുക.

അതെ സമയം രണ്ടാമത്തെ ബുക്കില്‍ ഇതുസംബന്ധിച്ച വിവരങ്ങളൊന്നും ഉണ്ടായിരുന്നില്ല. ഈ ബുക്കാണ്​ നികുതി വകുപ്പിന്​ കൈമാറിയതെന്നാണ്​ റിപ്പോര്‍ട്ട്​. ഇതിലൂടെ നീണ്ട 15 വര്‍ഷത്തോളമാണ് നികുതി വെട്ടി ച്ചതെന്നാണ് കണ്ടെത്തല്‍ .

ഏകദേശം 900,000 ഡോളറിന്‍റെ നികുതി നഷ്​ടം ഇതുമൂലം ഉണ്ടായിട്ടുണ്ടെന്നാണ്​ വിലയിരുത്തല്‍ ​. ട്രംപിന്‍റെ കമ്ബനിയിലെ പല ജീവനക്കാരും കൃത്യമായ നികുതി അടച്ചിരുന്നില്ല . അതേസമയം, രാഷ്​ട്രീയ പ്രേരിതമായാണ്​ കുറ്റo ചുമത്തിയതെന്ന ആരോപണങ്ങള്‍ മാന്‍ഹട്ടന്‍ ഡിസ്​ട്രിക്​ട്​ അറ്റോര്‍ണി നിഷേധിച്ചു.