ന്യൂഡല്ഹി : 2018നെ അന്താരാഷ്ട്ര ധാന്യ വര്ഷമായി പ്രഖ്യാപിക്കണമെന്ന് ഐക്യരാഷ്ട്രസഭയോട് ഇന്ത്യ ആവശ്യപ്പെട്ടു. ലോകത്തില് എല്ലാവര്ക്കും പോഷക ഗുണങ്ങള് നിറഞ്ഞ ആഹാരം ലഭ്യമാക്കുന്നതിന്റെ ഭാഗമാണ് ഇന്ത്യ നടത്തുന്ന പുതിയ നീക്കം.
പോഷകാഹാര സമ്പന്നമായ ധാന്യ വര്ഗങ്ങളെ സംബന്ധിച്ച അവബോധം ജനങ്ങള്ക്ക് കുറവാണ്. ഇത് മാറ്റിയെടുക്കാനാണ് ഐക്യരാഷ്ട്രസഭയോട് ഇത്തരത്തിലൊരു ആശയം അറിയിച്ചതെന്ന് കേന്ദ്ര കൃഷി മന്ത്രി രാധാ മോഹന് സിംഗ് വ്യക്തമാക്കി.
ഇന്ത്യയില് ധാന്യങ്ങള്ക്ക് ലഭിക്കുന്ന പ്രാധാന്യം കണക്കിലെടുത്ത്, മറ്റ് രാജ്യങ്ങളിലേയ്ക്കും ധാന്യങ്ങളുടെ പ്രധാന്യം എത്തിക്കുന്നതിനും കൂടിയാണ് അന്താരാഷ്ട്ര ധാന്യ വര്ഷമായി 2018നെ പ്രഖ്യാപിക്കണമെന്ന് ആവശ്യപ്പെട്ടിരിക്കുന്നത്. ആഗോളതലത്തില് ധാന്യ വിളകളുടെ ഉത്പാദനവും, ഉപഭോഗവും പ്രോത്സാഹിപ്പിക്കുന്നതിനു പുതിയ ആശയം സഹായകമാകും.
