ഗ്രേറ്റര് നോയിഡ: വീട്ടിനു മുന്നില് ഇറക്കാമെന്ന് പറഞ്ഞ് പ്ലസ് വണ് വിദ്യാര്ഥിയെ കാറില് കയറ്റി സഹപാഠിയും സുഹൃത്തുക്കളും ബലാത്സംഗം ചെയ്തു. മണിക്കൂറുകളോളം കാറില് കൂട്ട ബലാത്സംഗം ചെയ്ത ശേഷം പെണ്കുട്ടിയെ റോഡില് തള്ളി. സംഭവത്തില് പ്ലസ് വണ് വിദ്യാര്ഥികളെ പിന്നീട് പൊലീസ് അറസ്റ്റ് ചെയ്തു.
കഴിഞ്ഞ ബുധനാഴ്ചയാണ് സംഭവം. 16 കാരിയായ പെണ്കുട്ടി ക്ലാസ് കഴിഞ്ഞ് പുറത്തിറങ്ങാന് അല്പ്പം വൈകിയതിനാല് സ്കൂള് ബസ് കിട്ടിയില്ല. വീട്ടിലേക്ക് നടന്നു പോകുന്നതിനിടെയാണ് സഹപാഠിയും സുഹൃത്തുക്കളും കാറില് വന്നത്. കാര് നിര്ത്തിയ സുഹൃത്തുക്കള് വീടിനു മുന്നില് ഇറക്കാമെന്ന് പറഞ്ഞു. കൂട്ടുകാരുടെ വാക്ക് വിശ്വസിച്ച് പെണ്കുട്ടി കാറില് കയറുകയായിരുന്നു.
കാറില് വച്ച് മയക്കുമരുന്ന് ചേര്ത്ത പാനീയം നിര്ബന്ധിച്ച് കുടിപ്പിച്ച ശേഷം വായ് മൂടിക്കെട്ടി കൂട്ട ബലാത്സംഗം ചെയ്യുകയായിരുന്നു. കാണാതായി മണിക്കൂറുകള്ക്ക് ശേഷം വിജനമായ റോഡരികില് അബോധാവസ്ഥയിലാണ് പൊലീസ് പെണ്കുട്ടിയെ കണ്ടെത്തിയത്. പ്രതികളില് മൂന്നാമന് ഒളിവിലാണ്.
