മംഗളൂരു: നിരോധനാജ്ഞ നിലനിൽക്കുന്ന മംഗളൂരുവിൽ റിപ്പോർട്ടിങിനെത്തിയ മലയാളി മാധ്യമപ്രവർത്തകരെ പൊലീസ് കസ്റ്റഡിയിലെടുത്തു. വെള്ളിയാഴ്ച രാവിലെ സിറ്റി പൊലീസ് കമ്മീഷണറുടെ നേതൃത്വത്തിലാണു മാധ്യമപ്രവർത്തകരെ വാർത്ത റിപ്പോർട്ട് ചെയ്യുന്നതിൽ നിന്നു തടയുകയും കസ്റ്റഡിയിൽ എടുക്കുകയും ചെയ്തത്. മാധ്യമ സംഘത്തിൽ നിന്നു ക്യാമറ അടക്കമുള്ള ഉപകരണങ്ങൾ പൊലീസ് പിടിച്ചെടുത്തു.
മംഗലാപുരത്തുണ്ടായ സംഘർഷത്തിൽ കൊല്ലപ്പെട്ടവരുടെ മൃതദേഹങ്ങൾ സൂക്ഷിച്ചിരിക്കുന്ന വെൻലോക്ക് ആശുപത്രിക്കു സമീപം റിപ്പോർട്ട് ചെയ്യുകയായിരുന്ന മാധ്യമപ്രവർത്തകരെയാണ് പൊലീസ് കസ്റ്റഡിയിൽ എടുത്തതെന്നാണു വിവരം.
മംഗളൂരുവിൽ നടന്ന പ്രതിഷേധത്തിനിടെ രണ്ടു പേരെ പൊലീസ് വെടിവച്ചു കൊലപ്പെടുത്തിയിരുന്നു. സംഘർഷത്തിന്‍റെ പശ്ചാത്തലത്തിൽ മംഗളൂരൂ കമ്മീഷണറേറ്റ് പരിധിയിൽ മുഴുവൻ കർഫ്യൂ പ്രഖ്യാപിച്ചിരിക്കുകയാണ്.
courtsey content - news online
