ലണ്ടന്: കൊറോണ വൈറസിന്റെ യു.കെ വകഭേദം മാരകമായേക്കാമെന്ന് ബ്രിട്ടീഷ് പ്രധാനമന്ത്രി ബോറിസ് ജോണ്സണ്. ജനിതക മാറ്റം സംഭവിച്ച കൊറോണ വൈറസ് മരണനിരക്ക് ഉയര്ത്തിയേക്കാം. യഥാര്ഥ വൈറസിനേക്കാള് അതിവേഗം പടര്ന്നുപിടിക്കുകയാണിത്. കണക്കുകള് പ്രകാരം 30 ശതമാനം മുതല് 70 ശതമാനം വരെ വേഗത്തില് പടരുന്നതിന് സാധ്യതയുെണ്ടന്നും അദ്ദേഹം പറഞ്ഞു.
ഇംഗ്ലണ്ടിലാണ് വകഭേദം സംഭവിച്ച കൊറോണ വൈറസ് ആദ്യം കണ്ടെത്തിയത്. പിന്നീട് ഇന്ത്യ ഉള്പ്പെടെ 50ഓളം രാജ്യങ്ങളിലേക്ക് ഇത് പടര്ന്നുപിടിക്കുകയായിരുന്നു.
ജനിതക മാറ്റം സംഭവിച്ച വൈറസ് മരണനിരക്ക് ഉയര്ത്തുമെന്ന് ഇംഗ്ലണ്ട് ചീഫ് സയന്റിഫിക് അഡ്വൈസര് പാട്രിക് വെല്ലന്സ് പറഞ്ഞു. 60 വയസിന് മുകളില് പ്രായമുള്ള ആയിരംപേരില് യഥാര്ഥ കൊറോണ വൈറസ് ബാധിക്കുകയാണെങ്കില് മരണസംഖ്യ പത്ത് ആയിരിക്കും. എന്നാല് ജനിതക മാറ്റം സംഭവിച്ച വൈറസാണെങ്കില് 10 മുതല് 14 വരെയാകും മരണമെന്ന് അദ്ദേഹം പറഞ്ഞു.
യഥാര്ഥ വൈറസിനേക്കാള് 30 ശതമാനം അധികമാകും മരണനിരക്ക്. മരണനിരക്ക് ഉയരാന് ഇടയായാല് രോഗവ്യാപനം ഇടയാകുമെന്ന ആശങ്ക നിലനില്ക്കുന്നതായും അദ്ദേഹം കൂട്ടിച്ചേര്ത്തു.
