ന്യൂഡല്ഹി: വന്ദേഭാരത് ദൗത്യത്തിന്റെ ഭാഗമായി 1.25 ലക്ഷം ഇന്ത്യക്കാര് മടങ്ങിയെത്തിയെന്ന് കേന്ദ്ര സര്ക്കാര്. ലോകരാജ്യങ്ങളില് ഒറ്റപ്പെട്ടതും ദുരിതതിലായതുമായ ഇന്ത്യക്കാര്ക്ക് പ്രതീക്ഷയുടെയും സന്തോഷത്തിന്റെയും ദൗത്യമായിരുന്നു വന്ദേ ഭാരത് ദൗത്യമെന്നും കേന്ദ്ര വ്യോമയാനമന്ത്രി ഹര്ദീപ് സിംഗ് പുരി അറിയിച്ചു.
ജൂണ് 23ന് 6,037 ഇന്ത്യക്കാര് വിദേശ രാജ്യങ്ങളില്നിന്ന് രാജ്യത്തേയ്ക്ക് മടങ്ങിയെന്നും അദ്ദേഹം പറഞ്ഞു. കഴിഞ്ഞ മാസം മുതല് 2,50,087 ലക്ഷം പേര് മടങ്ങിയെത്തി. മേയ് ഏഴിന് ആരംഭിച്ച വന്ദേ ഭാരത് മിഷന് മൂന്നാം ഘട്ടത്തിലാണെന്നും കേന്ദ്രമന്ത്രി പറഞ്ഞു.
