ഇന്ത്യന്‍ സിനിമയിലെ ഹിമാലയന്‍ ഹിറ്റായി മാറിക്കൊണ്ടിരിക്കുന്ന ബാഹുബലി കേരളത്തിലും നിറഞ്ഞ സദസ്സിലാണ് പ്രദര്‍ശനം തുടരുന്നത്. ബാഹുബലി എന്ന ചിത്രത്തിനൊപ്പം പ്രഭാസ് എന്ന താരവും ഭാഷയുടേയും ദേശത്തിന്റെയും അതിര്‍വരമ്പുകള്‍ ഭേദിച്ച് മലയാളി പ്രേക്ഷകരുടെ മനസ്സിലും ഇടം നേടുകയാണ്. 2002 ല്‍ ഈശ്വര്‍ എന്ന ചിത്രത്തിലൂടെ അഭിനയ ജീവിതത്തിന് തുടക്കം കുറിച്ചെങ്കിലും 2005 ല്‍ രാജമൗലിയുടെ സംവിധാനത്തില്‍ ഇറങ്ങിയ “ഛത്രപതി” എന്ന സിനിമയാണ് പ്രഭാസിനെ പോപ്പുലര്‍ ആക്ടര്‍ ആക്കിയത്.
