കോഴിക്കോട്: മുക്കത്ത് ഭാര്യക്ക് നേരെ ഭര്ത്താവിന്റെ ആസിഡ് ആക്രമണം. കല്ലുരുട്ടി സ്വദേശി സ്നേഹയുടെ മുഖത്താണ് ഭര്ത്താവ് പെരിന്തല്മണ്ണ സ്വദേശി ജൈസണ് ആസിഡ് ഒഴിച്ചത്. ഇന്നലെ രാത്രി ഏഴരമണിയോട് കൂടിയായിരുന്നു സംഭവം. ഗുരുതരമായി പൊള്ളലേറ്റ യുവതിയെ കോഴിക്കോട് സ്വകാര്യ ആശുപത്രിയില് പ്രവേശിപ്പിച്ചു. സംഭവത്തില് മുക്കം പൊലീസ് കേസെടുത്ത് അന്വേഷണം ആരംഭിച്ചു.
