കൊച്ചി: ശബരിമലയിലെ യുവതീ പ്രവേശനവുമായി ബന്ധപ്പെട്ട് കൊച്ചിയില് വാര്ത്താസമ്മേളനം നടത്തിയ യുവതികള്ക്കൊപ്പമുണ്ടായിരുന്ന യുവാവിനു നേരെ ആക്രമണം. നിലമ്പൂര് കാരക്കോട് സ്വദേശി സംഗീതിന് നേരെയാണ് ആക്രമണമുണ്ടായത്. കാരക്കോട് ഉത്സവത്തിനിടെയായിരുന്നു സംഗീതിനെ ആക്രമിച്ചത്. പരിക്കേറ്റ സംഗീതിനെ നിലമ്പൂര് താലൂക്ക് ആശുപത്രിയില് പ്രവേശിപ്പിച്ചു. വാര്ത്താസമ്മേളനം നടത്തിയതിനു പിന്നാലെ സംഗീത് ജോലിചെയ്യുന്ന സ്ഥാപനത്തിലേക്ക് നാമജപപ്രതിഷേധം നടന്നിരുന്നു. കണ്ണൂര് സ്വദേശി രേഷ്മാ നിശാന്ത് അടക്കമുള്ള മൂന്നു യുവതികളാണ് കൊച്ചിയില് വാര്ത്താസമ്മേളനം നടത്തിയത്. ഇവർക്കൊപ്പം സംഗീത് എത്തിയിരുന്നു. ശബരിമലയില് പോകുമെന്ന് നേരത്തെ പ്രഖ്യാപിച്ചിരുന്ന ഇവര് പിന്നീട് ഇതില്നിന്ന് പിന്മാറിയിരുന്നു […]
