കാസര്കോട്: നിപ്പ വൈറസ് പനിക്ക് പുറകെ സംസ്ഥാനത്ത് ഡെങ്കിപ്പനിയും. കാസര്കോട്ട് അഞ്ചു പേര്ക്ക് കൂടി ഡെങ്കിപ്പനി സ്ഥിരീകരിച്ചു. ബളാല് പഞ്ചായത്തിലെ കൊന്നക്കാട്, കാര്യോട്ടുചാല്, കടവത്തുമുണ്ട പ്രദേശങ്ങളിലുള്ള അഞ്ചു പേര്ക്കാണ് ഡെങ്കിപ്പനി സ്ഥിരീകരിച്ചത്. ഇതോടെ പ്രദേശത്ത് രോഗപ്രതിരോധ പ്രവര്ത്തനം ഊര്ജിതപ്പെടുത്തിയിട്ടുണ്ട്. വ്യാഴാഴ്ച മാത്രം 256 പേര് വെള്ളരിക്കുണ്ട് പ്രാഥമികാരോഗ്യ കേന്ദ്രത്തില് ചികിത്സ തേടിയിരുന്നു. കുടുംബശ്രീ പ്രവര്ത്തകര്, സന്നദ്ധസംഘടനാ പ്രവര്ത്തകര് തുടങ്ങിയവര് ശുചീകരണ പ്രവര്ത്തനത്തിനിറങ്ങും. വീടുകളില് വെള്ളം കെട്ടി നില്ക്കാനുള്ള അവസ്ഥ ഒഴിവാക്കണമെന്നും അധികൃതര് അറിയിച്ചിട്ടുണ്ട്. വാര്ഡുതല സാനിറ്ററി കമ്മിറ്റിയുടെ നേതൃത്വത്തില് […]
