തിരുവനന്തപുരം: മുന്ഗണനപട്ടികക്കാര് മൂന്നുമാസം തുടര്ച്ചയായി സൗജന്യറേഷന് വാങ്ങിയില്ലെങ്കില് റേഷന് റദ്ദാക്കാന് കേന്ദ്രസര്ക്കാര് നിര്ദേശം. അര്ഹര്ക്ക് സൗജന്യറേഷന് നിഷേധിക്കുന്നുവെന്ന പരാതിയുടെ അടിസ്ഥാനത്തിലാണ് കേന്ദ്ര ഭക്ഷ്യമന്ത്രി രാംവിലാസ് പാസ്വാന്റെ നിര്ദേശം. തുടര്ച്ചയായി റേഷന് വാങ്ങാത്ത മുന്ഗണനാപട്ടികയിലുള്ളവരെ ഒഴിവാക്കി തൊട്ട് പിറകിലുള്ളവര് പട്ടികയിലെത്തും. കേന്ദ്ര ഭക്ഷ്യഭദ്രതാനിയമം അനുസരിച്ച് സംസ്ഥാനത്ത് 1,54,80,042 പേര്ക്കാണ് സൗജന്യറേഷന് അര്ഹത. എന്നാല്, കേരളം തയാറാക്കിയ മുന്ഗണനാപട്ടികയില് ലക്ഷക്കണക്കിന് അനര്ഹര് കടന്നുകൂടിയതോടെ ഇവരെ ഒഴിവാക്കാനുള്ള ശ്രമത്തിലാണ് ഭക്ഷ്യപൊതുവിതരണ വകുപ്പ്. സംസ്ഥാന സര്ക്കാറിന്റെ കണക്കനുസരിച്ച് സൗജന്യറേഷന് അര്ഹതയുള്ളവരില് 80 ശതമാനം […]
