തൃശൂര്: മുന് മന്ത്രിയും മുതിര്ന്ന കോണ്ഗ്രസ് നേതാവുമായ സി.എന്.ബാലകൃഷ്ണന് (84) അന്തരിച്ചു. ന്യുമോണിയ ബാധയെ തുടര്ന്ന് കൊച്ചിയില് അമൃത ആശുപത്രിയില് ചികില്സയിലിരിക്കെ രാത്രി പതിനൊന്ന് മണിയോടെയായിരുന്നു അന്ത്യം. ഏറെ നാളായി ആരോഗ്യാവസ്ഥ വഷളായതിനെ തുടര്ന്ന് വീട്ടില് വിശ്രമത്തിലായിരുന്ന അദ്ദേഹത്തെ ഒരാഴ്ച മുമ്പാണ് ആശുപത്രിയില് പ്രവേശിപ്പിച്ചത്. രാത്രി എട്ടരയോടെ ഗുരുതരാവസ്ഥയിലായി തീവ്രപരിചരണ വിഭാഗത്തില് പ്രവേശിപ്പിച്ചുവെങ്കിലും രക്ഷപ്പെടുത്താനായില്ല. തൃശൂര് അയ്യന്തോള് ഉദയനഗറിലെ ഗീതയിലായിരുന്നു താമസം. പുഴയ്ക്കല് ചെമ്മങ്ങാട്ട് വളപ്പില് നാരായണന്റെയും പാറു അമ്മയുടെയും ആറാമത്തെ മകനായി 1934 നവംബര് 18ന് […]