കൊച്ചി: ജീവിത പങ്കാളിയെ സ്വയം തെരഞ്ഞെടുക്കുന്നതിനോടാണ് മലയാളികള്‍ക്ക് താല്‍പര്യമെന്ന് പഠനത്തില്‍ കണ്ടെത്തി. മാറ്റ്റിമോനി ഏജന്‍സിയില്‍ രജിസ്റ്റര്‍ ചെയ്തിട്ടുള്ള ഉപയോക്താക്കളുടെ താല്‍പര്യങ്ങളും പൊതുവായ ശീലങ്ങളും പഠിച്ചാണ് വിവരങ്ങള്‍ ശേഖരിച്ചത്. ജീവിത പങ്കാളിയെ തെരഞ്ഞെടുക്കുന്ന കാര്യത്തില്‍ കൗതുകകരമായ പല വസ്തുതകളും പഠനത്തില്‍ കണ്ടെത്തി. ഭാരത് മാറ്റ്റിമോനിയുടെ മലയാള സമൂഹത്തിനു വേണ്ടിയുള്ള വിഭാഗമായ കേരള മാറ്റ്റിമോനിയുടെ മൂന്നു ലക്ഷം വരുന്ന ഉപയോക്താക്കള്‍ക്കിടയിലാണ് പഠനം നടത്തിയത്. തിരുവനന്തപുരം, കൊല്ലം, തൃശൂര്‍, കൊച്ചി, കോഴിക്കോട് എന്നീ അഞ്ചു ജില്ലകളാണ് രജിസ്ട്രേഷനില്‍ ഏറ്റവും മുന്നില്‍ നില്‍ക്കുന്നത്. […]
