പട്‌ന: ബിഹാറില്‍ നിതീഷ് കുമാര്‍ മുഖ്യമന്ത്രിയാവുമെന്ന് ബിജെപി. നിതീഷ് കുമാറിനെ മാറ്റുന്നത് സംബന്ധിച്ച്‌ ചോദ്യം ഉദിക്കുന്നില്ലെന്നും ബിജെപി നേതാവും ഉപമുഖ്യമന്ത്രിയുമായ സുശീല്‍ കുമാര്‍ മോദി പ്രതികരിച്ചു.
തിരഞ്ഞെടുപ്പില്‍ എന്‍ഡിഎ മുന്നണിയായ ബിജെപി 74 സീറ്റുകളാണ് നേടിയത്. അതേസമയം 43 സീറ്റുകളാണ് ജെഡിയുവിന് ലഭിച്ചത്. ബിജെപിക്ക് ജെഡിയുവിനെ അപേക്ഷിച്ച്‌ 31 സീറ്റ് അധികമുണ്ട്. ബിജെപി മുന്നേറ്റമുണ്ടാക്കിയാല്‍ സ്വന്തം മുഖ്യമന്ത്രി എന്ന അവകാശവാദം ബിജെപിയുടെ ഭാഗത്തുനിന്ന് ഉണ്ടായേക്കുമെന്ന ഊഹാപോഹങ്ങളെ തള്ളിക്കളഞ്ഞുകൊണ്ടാണ് ബിജെപി നേതാക്കളുടെ പ്രതികരണം.
