കൊച്ചി: ശബരിമലയില് വെര്ച്വല് ക്യു ഏര്പ്പെടുത്തിയ നടപടിയില് സംസ്ഥാന സര്ക്കാറിനെതിരെ രൂക്ഷ വിമര്ശനമുന്നയിച്ച് കേരളാ ഹൈക്കോടതി. 2011 മുതല് വെര്ച്ചല് ക്യൂവിനു ഹൈക്കോടതി അനുമതി തന്നിട്ടുണ്ടെന്നും ആയതിനാല് വെര്ച്ചല് ക്യൂ സംവിധാനം ഇപ്പോള് നിര്ത്തലാക്കാന് സാധ്യമല്ലെന്നും സര്ക്കാര് കോടതിയില് വാദിച്ചു. എന്നാല് അങ്ങനെ ഒരു വിധിയുണ്ടോ എന്ന് സര്ക്കാരിനോട് കോടതി ആരാഞ്ഞു.
വെര്ച്വല് ക്യൂ ഏര്പ്പെടുതാന് ദേവസ്വം ബഞ്ചിന്റെ അനുമതി വേണമെന്നും അല്ലാത്ത നടപടി നിയമ വിരുദ്ധമാണെന്നും കോടതി നിരീക്ഷിച്ചു. ശബരിമലയില് വെര്ച്വല് ക്യു ഏര്പ്പെടുത്തിയത് തീര്ത്ഥാടകരുടെ സുഗമമായ ദര്ശന സൗകര്യത്തിന് വേണ്ടിയാണെന്ന വാദമാണ് സര്ക്കാര് ഉയര്ത്തുന്നത്. മണ്ഡലകാലം തുടങ്ങിയാല് തിരക്ക് നിയന്ത്രിക്കാന് പൊലീസിനെ കൊണ്ട് മാത്രമേ സാധിക്കൂ എന്നും സര്ക്കാര് കോടതിയെ അറിയിച്ചു.
The post ശബരിമലയില് വെര്ച്വല് ക്യു ഏര്പ്പെടുത്തിയ നടപടിയില് സംസ്ഥാന സര്ക്കാറിനെതിരെ രൂക്ഷ വിമര്ശനമുന്നയിച്ച് കേരളാ ഹൈക്കോടതി
